كريم فهمي يكشف كيف يتعامل مع الأسئلة المستفزة في اللقاءات

كشف الفنان كريم فهمي عن طريقته في التعامل مع الأسئلة المستفزة التي قد تطرح عليه في أي لقاء.

وقال كريم فهمي خلال لقائه في برنامج 'كلام نواعم': 'رد الفعل بتاعي لازم يبقى محسوب مليون في الميه لأن أحنا قدام التليفزيون دي أول حاجة، ولازم بخبرتك في الحياة تبقى حاسب إزاي هترد لأن في ناس بتتفرج عليك وناس لازم تتعلم منك وناس بتاخدك قدوة حتى لو أنت مش عايز أن الناس تاخدك قدوة لازم تاخد بالك من ردودك'.

وتابع كريم فهمي: 'في أسئلة بتستفز أكيد وبرفض أنها تتساءل من الأول بس دا مش بيحصل كتير لأن مع الوقت الناس بتعرف شخصيتك أكتر ومش بيدخلوا في دا'.

وخلال اللقاء تحدث كريم فهمي عن مسلسل '220 يوم' ووصفه بالمرهق نفسيا.

وقال كريم فهمي: 'المسلسل دا عملي كوابيس ولحد النهاردة بصحى من النوم في كوابيس رهيبة لأني قعدت سنتين أو أكتر شغال عليه تعبني نفسيا جامد من أول الكتابة لحد ما خلصنا تصوير'.

ومسلسل '220 يوم' بطولة كريم فهمي وصبا مبارك وحنان سليمان التي تقدم دور والدة كريم فهمي، وعايدة رياض في دور خالته، إلى جانب علي الطيب، لينا صوفيا، يوسف رفعت، وغيرهم من الوجوه الشابة.

المسلسل من تأليف محمود زهران، وسيناريو وحوار نادين نادر، وإخراج كريم العدل، وإنتاج شركة 'صباح إخوان' وتكون من 15 حلقة.