إبراهيم عيسى: يوسف شاهين مش أعظم مخرج في تاريخ السينما المصرية وعنده أفلام هبلة

في الحلقة الأولى من بودكاست 'لعل وعسى' يتحدث الإعلامي والكاتب إبراهيم عيسى عن المخرجين المصريين، ويجيب على سؤال هل يوسف شاهين أعظم مخرج في تاريخ السينما المصرية أم لا؟

قال إبرهيم عيسى في إجابته على هذا السؤال: 'المخرجين العظماء في مصر كتير جدا مفيهومش أعظم، يوسف شاهين ليه أفلام هبلة كتير جدا وليه أفلام عظيمة كتيرة جدا، زي ما سمير سيف عنده أفلام عظيمة ورائعة'.

وتابع إبراهيم عيسى متحدثا عن سبب الاهتمام بمخرج ما عن غيره من المخرجين والكتابة عنهم قائلا: 'بسبب حالة الهيمنة والسيطرة اليسارية على السينما المصرية في تاريخها، السينما دلوقتي المسيطر عليها وعلى التقييم فيها بيحبوا أفلام المهرجانات أوي، اللي نص الفيلم يكون الممثل بضهره'.

وأكمل إبراهيم عيسى: 'بالنسبة ليا كمال الشيخ مخرج عظيم ورائع ليه مكتبوش عنه لأنه مكنش يساري كان يميني، ضد ثورة يوليو مكنش حبيب للقلب، وحسن الإمام فضلوا يقولوا أنه مخرج أفلام العوالم وحسن الإمام حاجة كبيرة جدا وواحد من أعظم مخرجي العالم، مثلا بنفضل نتكلم عن فيلم 'الأرض' ليوسف شاهين وعظمة مشهد هجوم الهجانة، وحسن الإمام عمل المشهد ده في فيلم 'لن أبكي أبدا'.

واختتم إبراهيم عيسى كلامه: 'مخرجين زي علي عبد الخالق لا يكتب عنه لأنه مش في كتالوج النقد اليساري، أشرف فهمي لا يكتب عنه لأنه مش في الكتالوج اليساري، السينما المصرية مليانة عظماء ملهومش أعظم، قمة السينما المصرية قمة مسطحة مش مدببة، هما عايزين يقنعونا أن قمة السينما المصرية زي الهرم يقف عليها واحد بس، لأ قمة السينما المصرية قمة مسطحة واقف عليها مخرجين كبار بأعمال عظيمة، مينفعش نقول أن في أعظم مخرج في السينما اللي هو يوسف شاهين لأ هو لا عظيم ولا خارق'.

طالع أيضا: ريم رؤوف: أحمد مختار خالي ... وأحمد كمال كان صديقه وكان بيقعدني على حجره ويلعب بيا مع عبلة كامل