هنا الزاهد: قلبي اتكسر ... هيبقى صعب جدا حد يدخل حياتي

كشفت الفنانة هنا الزاهد عن الأشياء التي تغيرت في شخصيتها بعد الزواج.

وقالت هنا الزاهد خلال لقائها مع الإعلامي أنس بوخش في برنامج ABtalks: 'اكتشفت إني لازم أحافظ على قلبي جدا، وهيبقى صعب جدا حد يدخل حياتي'.

وأضافت هنا الزاهد: 'عارف لما تبقى قلبك اتكسر أوي، هو حصل له كده، رممته لوحدي وأهلي كإنهم رمموني ووقفوني على رجلي، بس بالليل وإنت نايم لوحدك بتبقى لوحدك. ومفيش حد هيدخل حياتي إلا لو عارفة إنه صح أوي'.

أوضحت هنا الزاهد أنها لا تعاني من عقدة حاليا قائلة: 'أنا في أسعد فترات حياتي، والفترة دي مركزة في إني أسعد هنا، وأي حاجة كنت نفسي أعملها بعملها'.

تحدثت هنا الزاهد خلال اللقاء عن أهم الأشياء في الزواج قائلة: 'أهم شيء في الجواز الاستقرار والأمان، وأصعب شيء الفتور لما المشاعر تخلص، بتبقى حياة وحشة'.

وردا على سؤال كيف يمكن المحافظة على استمرار المشاعر في الزواج، قالت هنا الزاهد: 'لازم الإنسان يبقى صادق جدا، ولما يبقى عايز يبعد يقول عايز أبعد، ولازم نقول لبعض كل حاجة، وأنا شايفة إن اللي بيحب بجد عمره ما يزهق من اللي بيحبه'.

وتابعت: 'ما ينفعش يبقى في أنانية، ولازم تفهم أوي اللي قدامك ويفهمك، ويبقى في إخلاص، ومفيش خيانة بأي الأشكال'.

وتحدثت هنا الزاهد عن الغيرة في الزواج قائلة: 'الغيرة حلوة بس مش الغيرة القاتلة، لو في فتور ومفيش غيرة بتبقى وحشة، وإنك تنام واثق في اللي قدامك إنه عمره ما هيخذلك دي حلوة أوي'.

يذكر أن هنا الزاهد تنتظر عرض أحدث أفلامها السينمائية 'ريستارت' يوم 29 مايو المقبل.

فيلم 'ريستارت' تأليف أيمن بهجت قمر وإخراج سارة وفيق وبطولة تامر حسني وهنا الزاهد وباسم سمرة وعصام السقا وميكا ومحمد ثروت، وعدد من النجوم.

وعرض لهنا الزاهد مؤخرا مسلسل 'إقامة جبرية'، من بطولة صابرين، هنا الزاهد، ومحمد الشرنوبي، ثراء جبيل، عايدة رياض، محمود البزاوي، ولطيفة التركي، وجلا هشام. تأليف أحمد عادل، وإخراج أحمد سمير فرج.