أنغام تغني "مش حبيبي بس" لـ"اتنين غيرنا"

طرحت النجمة أنغام أغنيتها الجديدة 'مش حبيبي بس' تتر مسلسل 'اتنين غيرنا'، للنجمين آسر ياسين ودينا الشربينى، الذى يبدأ عرض حلقاته اليوم، الساعة 7 مساءً على منصة واتش إت وقناة On E.

أغنية 'مش حبيبى بس' غناء أنغام، كلمات وألحان عزيز الشافعى، وتوزيع موسيقى ميكس وماستر لطارق مدكور.

'اتنين غيرنا' من بطولة آسر ياسين ودينا الشربينى وفدوى عابد ونور إيهاب وهنادى مهنا وناردين فرج وأحمد حسن، وهو من تأليف رنا أبو الريش وإخراج خالد الحلفاوى

وتدور أحداث مسلسل اتنين غيرنا فى إطار اجتماعى رومانسى حول أستاذ جامعى يعيش من أجل أسرته وعمله فقط، يلتقى صدفة بممثلة مشهورة تعانى صراعات اجتماعية، الأمر الذى يقلب حياتهما بالكامل رأسًا على عقب، ويُعرض المسلسل حصريًا على منصة واتش إت الساعة 7 مساءً وقناة On E الساعة 7 مساءً، والإعادة 5:15 صباحًا و2:00 عصرًا.

وجاءت كلمات الأغنية:

مش حبيبي بس

أنت صاحبي وقلبي ونصي اللي كنت بدور عليه

أنت قمري وقدري

نصيبي وطبيبي اللي تسلم ايديه

في حبك أنت شوفت كل المعجزات وعرفت جيت الدنيا ليه

وبقالي حد أعيش عشانه

وضهر اتسند عليه

طب ماتقبلناش بدري ليه

يا عيني على العمر اللي فات

وعيني عيني عيني عيني

على اللي بينك أنت وبيني

عيني

على اللي حبه جاني حياني تاني

أنت أجمل من رأت عيني يا عيني

الماضي إيه

الماضي مين

نسيت في حضنك اللي شوفته من السنين

ده أنا بدعي من قلبي

تفضل هنا جنبي

يا حبيبي طول عمري

ما تقول آمين

اوعى تكون زيهم

اوعى تخون

ولا اللي بينا عليك يهون

مبقاش فيه دمع ليه فاضل في العيون

أكون معاك أو لا أكون