زوجة عصام صاصا لأسرة ضحية الدائري: الراجل اتحدف علينا.. قضاء وقدر

علقت جهاد أحمد، زوجة مطرب المهرجانات عصام صاصا، أمس، الثلاثاء، على حادث دهس زوجها لأحد الأشخاص على الدائري، والذي على إثره صدر قرار بالقبض عليه.

لمح تيشرت

وقالت، على “ستوري” عبر حسابها على موقع “إنستجرام”: “عارفة إنكم مش فاهمين ومش مدركين حاجة زي كدا الله يكون في عونكم، وربنا يصبركم، بس أنا ليا حق أطلع اتكلم في حاجة أنا واثقة منها جدًا، وكان نفسي عصام هو اللي يطلع يتكلم بس والله من وقت الحادث محدش قادر يتكلم ولا نعمل لقاءات، ومش عارفة اللي بيعمل لقاءات ده بيجيب الطاقة منين”.

وتابعت: “عصام خلص شغله واتحرك على الدائري وأنا كنت وراه في عربية تانية، وكنا رايحين عشان نظبط موضوع عقيقة ابننا رحيم، وعصام لمح تيشرت وفجأة لقى زجاج بيطير على طول، وهو ركن ونزل ومامشيش”.

اتحدف علينا

واستكملت زوجة عصام صاصا: “عصام خبط الراجل، والعربية كانت ماشية في طريقها عادي والراجل اتحدف من الناحية الشمال، ودي نقطة كان نفسي يطلع يوضحها بس هو مش قادر”.

وأردفت: “مش عارفة أسرة المتوفى قادرة تطلع تتكلم إزاي والناس بتضحك عليهم وبيقولولهم هجبلكم إعدام، إعدام على إيه؟ دي حادثة، يعني قضاء وقدر”.