أحمد موسى: الإرهابي يحيى موسى أشرف على اغتيال هشام بركات وكان يخطط لاغتيالي

كشف الإعلامي أحمد موسى أنه كان مستهدفا من مجموعة 'حسم' التابعة لجماعة الاخوان الإرهابية، مشيرا إلى أن الجماعة قامت برصده لفترة تمهيدا لاغتياله بعد اغتيال النائب العام السابق هشام بركات.

وقال موسى حلال برنامج 'على مسؤوليتي' المذاع على قناة 'صدى البلد': 'الإرهابي الولد المجرم اسمه يحيى السيد موسى الواد ده بالمناسبة كنت أنا أحد الناس اللي استهدفهم أو كان هيستهدفني في بعد اغتيال الشهيد هشام بركات لأن هو الولد ده الذي أشرف على اغتيال الشهيد هشام بركات كنت أنا واحد من المستهدفين'.

وأضاف: “وأنا سمعت فيديو للإرهابي أبو القاسم اللي هو الخلية اللي نفذت اغتيال الشهيد هشام بركات أنا سمعته يعني، وهو بيتكلم عني وأنا قلت لحضراتكم الحكاية دي من فترة يعني، وهو بيتكلم عني رصدنا فلان والتكليف جالنا من الإرهابي ده يحيى”.

وتابع: 'ده الإرهابي يحيى موسى ده يعتبر العقل المدبر واحد من أخطر العناصر الإرهابية في تنظيم جماعه الإخوان الإرهابية اللي عمل حركة ما يسمى حركة حسم الإرهابية أو حركة سواعد مصر اللي اختصارها حركه حسم، وهي الجناح المسلح لجماعة الإخوان الإرهابية ثاني الجناح المسلح لجماعة الإخوان الإرهابية'

وأكمل: 'كان عندهم حاجة اسمها لواء الثورة اتحل ما بقتش كان عندهم حاجات ثانية كان عندهم كذا فرع لجماعة الإخوان الإرهابية بعد ثورتنا العظيمة في 30 يونيو، ولكن كلهم ما بقوش موجودين، لأنه الداخلية عملت الواجب بجد وصفت كل هذه العناصر تقريبا يعني تقريبا قضت على كل هذه العناصر'

وأوضح: 'تبقى حركة حسن صفوا عناصر وقيادات منها اللي كانوا موجودين جوه مصر ومنهم واحد اسمه مش فاكر مين همام اتصفى همام عطية أحد قياداتهم في أيضا في الجيزة كانت صفى بالقرب قتل في منطقة الطوابق ده كان أحد قيادات التنظيم بتاع حركة حسم الإرهابية'.

واختتم: 'وبعديه الإرهابي محمد كمال واللي عمل كماليون وتنظيم الإرهابي المسلح بتاع جماعة الإخوان الإرهابية فعملوا التنظيم ده يعمل عمليات داخل مصر ويستهدف المنشات والمؤسسات، وكمان شخصيات عامه يدار كله منين؟ من تركيا منذ 2016 لحد النهارده ما بطلوش'.