شيرين عن أزمتها مع روتانا: مستعدة أتسجن "ومش فارق معايا حاجة" (فيديو)

أجرت الفنانة شيرين عبد الوهاب خلال الساعات القليلة الماضية، مداخلة هاتفية مع الإعلامي عمرو أديب كشفت فيها عن تفاصيل أزمتها مع شركة روتانا للإنتاج الفني، والتى وصلت الى ساحات المحاكم، وحذف أغانيها عبر المنصات الغنائية.

وقالت شيرين: تحدثت مع مدير روتانا فى مصر وقلت له أنه من حقه إرسال رسالة للشركة المعنية وتوقف الأغنية وتقاضيهم وتأخذ منهم تعويض بصفته مالك صوت شيرين فى هذا الوقت، وما حدث أنهم بعتولي أنا الإنذار وخدوا مني 8 مليون جنيه”.

وتابعت: “روتانا خدت 8 مليون جنيه مني بالغلط دي فلوس عيالي، دا إنتوا متفقين عليا، وهم كانوا عايزين الشرط الجزائي وتعويض مني علشان يحلوا عني، قلتلوا أني هعمل اللي مفيش شركات تقدر عليا”.

واستطردت الفنانة “أنا مكنتش بتكلم وكنت قاعدة زى ست خيبتها والأن صوتي مش هيتقطع وهفضل أغني وراكبة القطر بتاعي ومحدش هيعرف يوقفه، خلاص أنا سكت كتير”.

واختتمت: “أنا فنانة كبيرة أوي أوي وجمهوري كبير، وأنا سجن النسا واحشني جدا وأنا مستعدة أتسجن عادي جدا وأنا مش فارق معايا حاجة”.