عمرو أديب لوزير النقل: متقوليش مفيش فلوس لإصلاح الطريق.. وزارتك واخدة كل الفلوس

عبر الإعلامي عمرو أديب عن استيائه من ضعف التحرك الحكومي في التعامل مع حادث الطريق الدائري الإقليمي بالمتوفية والذي أودى بحياة 19 شخصا.

وقال أديب خلال برنامج 'الحكاية' المذاع على قناة 'أم بي سي مصر' اللي حصل كارثة وعلى فكرة دي مش أول حادثة ولا آخر حادثة كوارث مصر على الطرق كارثية ونزيف الدم على الأسفلت في مصر تاريخي'.

وأضاف: 'ايه اللي في الطريق؟ بيان من وزارة النقل والا وزارة النقل دي بمزاجها؟ فين أعضاء مجلس النواب المسؤولين عن الدايرة دي؟، وزيرة التضامن عملت مناشدة وقالت هنطلع لهم قرشين وكمان وزير العمل عايزين إيه تاني بقى؟'.

وتابع: 'الوزارة فين الوزراء فين؟ مش هنا منشفوهمش في الحتة دي هو عدا على الحادثة دي قد إيه يا سيادة رئيس الوزراء وفي في وزرا بتحاسبهم ووزراء لا؟'.

وأوضح: 'أنا مش مذيع هفأ ولما بتكلم ببقى عارف بقول إيه؟ مناشدات بإنهاء الطريق بقاله سنة والطريق اسمه طريق الموت لغاية ما نخلص بقى؟ هل معالي الوزير طلع بيان النهاردة؟ ولا حاجة ولا حتى عزا'.

وواصل: 'الشرطة طبعا تحفظت على السائق وهيحصل اللي بيحصل كل مرة، بس في مشكلة في الطريق، الداخلية والنيابة هي المرحلة ما بعد المرحلة ودي ناس شغلها بعد المصيبة'.

وأكمل: 'في كام طريق زي ده في مصر، أوعى تقولي أصل مفيش فلوس وزارة معاليك واخدة كل الفلوس ومحدش يقولي أنت مستقصد وزير النقل أنا وسيادة الفريق أصحاب والعلاقة بينا سنين طويلة'.

واختتم: 'امتى هنقدر نكلم مسؤول؟ متضايقش المسؤولين الظروف صعبة أنت عميل وعايز تهيج الناس، المنظر ده في قرية مصرية فين أنتوا؟ تولع الفلوس ياعم لاقيني ولا تغديني أنا مضايق كان ممكن أرجع ورا سنة يعني بس معرفتش'.