عاجل| بعد عبير صبري.. صلاح عبد الله يدعم مقاطعة تطبيق "أوبر"

علق الفنان صلاح عبد الله، على حادثة محاولة سائق “شركة أوبر” خطف فتاة والتعدي عليها جنسيًا بمنطقة مدينة نصر.

وقال، في تدوينة له عبر صفحته الرسمية على موقع'x'، قائلًا: “بعد ما شفت حكاية عمرو أديب، بعت رسالة لبناتي ومراتي على جروب العائلي، الغوا أوبر من حياتكم مهما كانت الظروف”.

عبير صبري تهاجم شركة أوبر

وأطلقت عبير صبري عبر صفحتها الشخصية على “فيسبوك” حملة تدعو فيها لإلغاء تطبيق “أوبر”، وكتبت: “أنا عايزة نعمل حملة عشان نقاطع أوبر، أرجو إنك تساعديني في نشر البوست بتاعي وطلبي أن البنات في مصر تعمل حملة لإلغاء الأبليكيشن ده لأنه أصبح خطر علينا كلنا وممكن أي بنت وست فينا تتعرض لنفس مصير حبيبة والبنت بتاعت النهارده وغيره”.

وأضافت: “ضرورة إحكام الرقابة على السيارات والعاملين في الشركة من خلال تركيب كاميرات مراقبة لمتابعة الرحلات، هي شركة أوبر دي مسؤولية مين؟، يعني اللي بيشغلهم مين، الكبير بتاعهم مين؟، هل هما شركة بتشتغل مع نفسها كده بيزنس خاص يعني، وإذا كان كده فين الرقابة عليهم؟ مفيش رقابة عليهم ليه”.

عبير صبري تطالب بالرقابة على شركة أوبر

وتابعت عبير صبري: “ليه مفيش كاميرات في العربيات دي زي دبي في أي تاكسي ولا البنات هتفضل كل يوم يخطفوهم ويموتوهم ويتحرشوا بيهم ويعتدوا عليهم ويغتصبوهم؟، إزاي مفيش حل مع المجرمين دول، لازم السواقين دول يكونوا تحت مسؤولية وزاره الداخلية أقل شيء بعد الجرائم المتكررة دي، أرجو أن تتضامن النساء في مصر للمطالبة بغلق هذا الأبليكيشن”.