«الإفتاء» توضح كيف قدَّرت قيمة زكاة الفطر بـ30 جنيهًا

نشرت دار الإفتاء المصرية عبر صفحتها الرسمية بموقع التواصل الاجتماعي «فيسبوك» توضيحا لكيفية تقدير قيمة زكاة الفطر لهذا العام بـ 30 جنيهًا.

وجاء في منشور دار الإفتاء المصرية: حسبناها على القمح اللى بيتعمل منه العيش اللى كل الناس فى مصر بتاكله لأن بيوت كتير مش بتاكل لا رز ولا تمر ولا زبيب.

وأضافت: طيب سعر أردب القمح كام ١٧٠٠ جنيه، والأردب فيه ١٥٠ كيلو، يبقى سعر الكيلو كام ١١.٣٣ إحدى عشر جنيه وثلاثة وثلاثون قرشًا. طيب والزكاة أد ايه ٢.٦ كيلو، يبقى نضرب ٢.٦ كيلو * ١١.٣٣، يطلع الناتج ٢٩.٤٦.

وأوضح البيان: دار الإفتاء قالت إنه ٣٠ جنيه، و ٣٠ جنيه الحد الأدنى يعني طلع أكتر من ٣٠ جنيه لو معاك ودخلك يسمح لك، بس اللى مش هيقدر فأقل حاجه يطلعها عن الفرد ٣٠ جنيه.

وأردفت: طيب أنا شايف إن ٣٠ جنيه قليل مش هتعمل حاجه يبقى تطلع ما ترضاه نفسك وتحس إنه له قيمه لكن لا تقل عن ٣٠ جنيه ولا تلزم غيرك يطلع زيك لأن ممكن يكون غير قادر.

وبينت دار الإفتاء: وتخرج قبل صلاة العيد، ولو ملحقتش تطلعها ممكن تاخد برأي السادة الشافعية إنك ممكن تطلعها قبل غروب شمس يوم عيد الفطر.

وذكرت دار الإفتاء المصرية أنه يجوز شرعًا إخراج زكاة الفطر مالًا، موضحة أن «هذا ما نراه أَوفَقَ لمقاصد الشرع وأَرفَقَ بمصالح الخلق، فهو الأقرب نفعاً للفقير، وبه يتحقق إغناؤه عن السؤال يوم العيد».