اخبار مصر
موقع كل يوم -صدى البلد
نشر بتاريخ: ٧ أيلول ٢٠٢٤
يواصل موقع صدى البلد نشر نص اعترافات عامل في تحقيقات النيابة العامة، في واقعة ارتكابه جريمة قتل مدير كافيه بمستشفى خاص شهير بـ التجمع الخامس.
وجاءت اعترافات المتهم في تحقيقات النيابة العامة كالآتي:' اسمي محمد م،23 سنة واعمل عامل بكافيتريا مستشفى شهير بالتجمع الخامس في القاهرة الجديدة وحصل بينا خلاف.
وما هي بادرة نشوب ذلك الخلاف بينك وبين المجنى عليه؟
ج : من حوالي عشر شهور قبل الواقعة كنت قولتله انا مش هقدر اجي الشغل ولقيته بيقولي انت هتيجي ومش هينفع تغيب ولو غيبت عن الشغل هخصم منك 3 ايام، وهو علشان مديري في الشيفت اللي أنا شغال فيه وكان دائما وقت البيريك بيتلكك وكان بيحصل بنا دايما مشادات كلامية، بس محصلش أى تعدي على بعض ما بنا قبل كدة.
س: ما هو الخلاف الذى أدى الى واقعة التعدى محل التحقيق ؟
ج: هو الخلاف اللي حصل بيني انا واسلام الضحية علشان يوم الواقعة انا اطلعت برا علشان اشرب سيجارة في البيريك بتاعي وطلع اسلام اللي هو الضحية مديري في الشغل لقيني قاعد انا ومصطفى امین زميلي برا بشرب سجایر و شای ولقيته بيقولی انت طلعت ليه برا وسايب الشغل وقالنا خلصوا السيجارة وادخلو شوفوا شغلكم وانا ولعت سيجاره ثاني ولقيت اسلام جالی تانی و بيقولي اطفي السيجارة دى وادخل دلوقتي حالا وانا قولتله هو انت با اسلام بتلككلي ليه هو ينفع تقل منى قدام الناس هو انت فاكرني أيه، مقلق منك يعنى انت كدة بتتلكك ولقيته بيقولي:' ايوة انا بتلكك ولا اقولك يا عم خلص السيجارة وامشي روح'.
س: ومتى تحديدا كان ذلك الخلاف ؟
ج: هو الخلاف دا كان بوم الواقعة .
س: وما الحوار الذي دار فيما بينكما تحديدا؟
ج: هو قالي انا مش قولتلك متطلعش تولع سجاير وتسبب الناس برا وشدينا مع بعض في الكلام وراح اتصل بصاحب الكافتيريا وقاله، وبعدها لقيته بيقولي انت اتوقفت عن الشغل وانا ساعتها اضايقت منه علشان تسبب في وقفي عن العمل.
س : وما الحالة التي كنت عليها عقب ذلك ؟
ج : انا اضايقت منه علشان تسبب في وقفني عن العمل وأنا قولتله منك لله.
س: وما التصرف الذي بدر منك؟
ج: انا دخلت غيرت هدوم الشغل ودخلت الكافية طلبت كوباية قهوة وقعدت علشان اشربها وامشي.
س: وهل غادرت محل عملك عقب ذلك ؟
ج: أنا قعدت في الكافية لحد ما خلصت القهوة بتاعتى وبعد كدة مشيت وروحت علشان اركب من عند آخر سور المستشفى الجوي ولما وصلت هناك لقيت اسلام واقف وانا روحتله.
س: وهل تعقبت المجنى عليه حال مغادرته محل عمله متجها إلى مكان انتظار الحافلة؟
ج: قابلته قولتله يا اسلام هو انت ليه مستقصدني هو انت شايفني غلط ليه كل مرة بترازيي فيه قالي ايوة انا
برازي فيك وقاصدك انت وبعدها ومسكنا في بعض.
س: وما هي كيفية نشوب التعدى فيما بينك وبين المجنى عليه؟
ح: انا لما لقيته مسك فيا مسكت فيه واتخانقنا مع بعض انا وهو
س وهل كان المجنى عليه بامكانه التعدى عليك ؟
ج ابوة
س وما الذي حال دون ذلك ؟
ج انا طلعت المطوة من جيبى وضربته في دراعه وفي جنبه الشمال.
س وما هي كيفية قيامك بالتعدي على المجني عليه تحديدا؟
ج هو اول ما قابلته قولتله با اسلام هو انت ليه مستقصدني هو انت شايفني غلط ليه كل مرة بترازيني قالي ابوة انا مستقصدك وقاصد ارازيك ومسكنا في بعض وانا طلعت المطوة من جبيبي وضربته في دراعه وفي جنبه الشمال.
س: كم عدد الضربات التي كلتها للمجنى عليه حال قيامك بالتعدى عليه ؟
ج انا ضربته كذا ضربه ورا بعض مش فاكر عددهم
س وأين استقرت تلك الضربات بجد المجنى عليه ؟
ج : انا ضربته كذا مرة في دراعه من تحت وكنت بقوله اوعى ايدك يا اسلام علشان منمونش بعض.
وكانت اصطحبت الأجهزة الأمنية، المتهم بقتل مدير كافتيريا داخل مستشفى بالتجمع الخامس لتمثيل جريمته للوقوف على ملابسات الواقعة تحرر محضر وأخطرت النيابة العامة التي تولت التحقيق.
البداية عندما، تبلغ لقسم شرطة التجمع الخامس، يفيد بوجود شخص مصاب بطعن سكين بنهر الطريق شارع التسعين الجنوبي، وبالاتصال بالمبلغ ' احد المارة ويدعى رضا احمد، أفاد بنقل المصاب بمعرفة الإسعاف من أعلى الرصيف إلى المستشفى الجوى حال انتظاره لركوب احدى وسائل المواصلات والصرف من محل البلاغ وبالانتقال إلى مستشفى الجوى تبين تواجد المصاب المدعوا اسلام ا. ٢٣ سنة، مصاب بطعنة بالصدر.
ووضعت الشرطة، خطة بحث بمعرفة مدير الإدارة من أهم بنودها فحص علاقات المجنى عليه والمترددين عليه، فحص كاميرات المراقبة بمكان الحادث، مناقشة اهلية المجنى عليه واثناء السير في بنود خطة البحث وباستخدام التقنيات الحديثة وباجراء التحريات ومراجعة كاميرات مستشفى نسائم محل عمل المصاب تم تحديد المتهم مرتكب الواقعة عامل بالكافتيريا، وتبين وجود مشادة كلامية بين المصاب مدير الوردية بالكافتريا والمتهم عامل بالكافتيريا ' تطورت إلى قيام المتهم بالتعدى بالسب على المصاب وقيام المصاب بالاتصال بصاحب الكافتيريا وانهاء عمل المتهم وبمراجعة الكاميرات تبين قيام المتهم بالتواجد داخل المستشفى رغم انتهاء موعد العمل والخروج خلف المصاب لتعمده احداث اصابته وعليه بإجراء التحريات واستخدام التقنيات الحديثة أمكن ضبط المتهم مرتكب الواقعة.
وبمناقشته المتهم عن الواقعة اعترف تفصيلا بارتكابه للواقعة وقيامه بتعقب المجنى عليه عقب خروجه من العمل ومشاهدته بالطريق بمفرده فقام باستخراج سلاح أبيض عبارة عن مطواه محدث بها اصابته وفر هاربا وبمناقشته عن مكان السلاح المستخدم في ارتكاب الواقعة أقر بقيامه بالتخلص منه والقائه بالطريق الدائرى.
