أحمد موسى: ريبيرو أسوأ مدير فني في تاريخ النادي الأهلي

أكد الإعلامي أحمد موسى أن الإسباني خوسيه ريبيرو المدير الفني السابق للنادي الأهلي يعد الأسوأ في تاريخ القلعة الحمراء.

وقال موسى خلال برنامج 'على مسؤوليتي' المذاع على قناة 'صدى البلد': 'جمهور النادي الأهلي عايز فريقه يرجع مرة تانية، خصوصًا إن عندنا بطولات وأفريقيا جاية لكن الحقيقة إن ريبيرو أسوأ مدير فني في تاريخ النادي الأهلي يمكن مرّ علينا مديرين فنيين سيئين، لكن هذا الأسوأ على الإطلاق'.

وأضاف: 'أنا مش عارف مين العبقري اللي اختار الراجل ده! لما تجيب مدير فني لازم تبص على تاريخه، شغله، خططه، تغييراته لكن إحنا سلمنا روحنا له، لعب ثمان مباريات، كسب كام ماتش فيهم؟ ده من أول أو ثاني مباراة كنت أقول له مع السلامة، مش هستنى تمانية ولا ستة عشر لحد ما ألاقي الفريق في المركز الـ12 نصبر عليه ليه؟ أقعد ليه ثلاث شهور؟ الجمهور شاف مستواه من أول ماتش، يبقى ليه أستنى؟'.

وتابع: 'إحنا مش لازم نبقى دايمًا مربوطين بعقدة الخواجة عندنا نجوم كبار، مش محتاجين مدير فني خارق كل لاعب في الأهلي يساوي وزنه ذهب. وزيزو نموذج، وأنا بحييه على اعتذاره المحترم، واعتذاره مقبول إحنا واثقين فيه وفي كل نجوم النادي الأهلي'.

واختتم: 'جمهور الأهلي بيحبك يا زيزو، بيحبك جدًا، وبيحب بن شرقي وكل النجوم عارف إن فيه ضغوط كبيرة عليكم، والأنظار كلها عليك لكن بقولك ما تشغلش بالك باللي برا، خليك في الملعب، خليك في الكورة، العب لعبك وبس'.