بعد شكوى بيراميدز.. هل يتم حجب الإعلان عن بطل الدوري حتى صدور الحكم؟

علق الإعلامي عمرو أديب على الأنباء المتداولة بشأن تأجيل المحكمة الرياضية الدولية البت في شكوى نادي بيراميدز بشأن خصم 3 نقاط من النادي الأهلي، متسائلا عن تأثير ذلك في الإعلان عن بطل الدوري.

وقال “أديب” خلال برنامج 'الحكاية' المذاع على قناة 'إم بي سي مصر': 'جه الأهلي كسب وبيراميدز كسب والأهلي كسبان بفرق نقطة هل هيتم إعلان الأهلي بطلا للدوري؟ بهدوء كده وبالعقل الكلام أن احنا هنقعد نبص في هذا الأمر طيب لو جم قالوا الأهلي يستحق أو لا يستحق بعد ما نعلن الأهلي بطلا للدوري هل هنرجع في كلامنا؟'.

وأضاف: 'في قضية اللي حصل دلوقتي من ساعة أن بيقولك مش هاخد قرار الان كملوا أنتوا وبعدين الناس تقدم وتدفع اجراءاته وهجيب محكمين وهرد عليكم هيرد امتي؟ محدش عارف طيب هيرد بايه محدش عارف'.

وتابع: 'أنا اكتشفت حاجة غريبة حاصلة على السوشيال ميديا ناس كتير بتقول إني استقصيت من جهات معنية، جهات معنية بكورة القدم وأنا قلت وارد والناس كلها واخدة العنوان وأنا قلت إنه وارد ميتمش اعلان بطل الدوري'.

وواصل: 'الوضع اللي إحنا فيه ده مؤسف وبايخ سمعة الدوري المصري، الناس بيقولوا الشق المستعجل مش هنعمله ولكن الكلام أننا هنبص ونقولكم طيب لما تقولنا هنعمل اية؟ لو طلع لبيراميدز حق هنقول للأهلي رجع الدرع لو سمحت وإلا هنستني لما المحكمة تقول النتيجة النهائية'.

وأوضح: 'والله ما هو عنده ولا ليه علاقة بالزمالك أنا قلت عايز شكلنا يبقي محترم والزمالك برة الدوري في كل الأحوال بلاش تصغر دماغك وعقلك الكلام ده معناه أن أنا مش هاخد قرار دلوقت ومش هوقف حاجة في المسابقة'.

واختتم: 'دي محكمة أه وفي شكوى أه هنعمل بدل محكم واحد تلاتة أه، هتحكم أمتى منعرفش، إيه اللي وصلنا للمرحلة دي؟ إيه اللي وصلنا أن شكلنا كده في العالم ودا في العالم خلاص رسمي'.