بسبب أحداث لبنان.. المطرب «أبو» يعلن تأجيل طرح أغنية «الحرب العالمية»

أعلن المطرب “أبو”، تأجيل طرح أغنيته الجديدة التي تحمل اسم “الحرب العالمية”، بسبب الأحداث الجارية في لبنان، حيث كان من المقرر أن يتم طرحها اليوم الأربعاء.

ووجه “أبو”، خلال مقطع فيديو نشره عبر حساباته الرسمية بمواقع التواصل الاجتماعي، رسالة اعتذار للجمهور، قائلا: “النهاردة كان المفروض تنزل أغنية الحرب العالمية، وأنا بعتذر لكم؛ بسبب الأحداث الإرهابية اللي بتحصل من الكيان المحتل في لبنان”.

وأضاف: 'بس ده برضو ياخدني لموضوع إن الفن سواء المرئي أو المسموع.. فيلم، تمثيلية، لوحة فنية، أي كان نوع الفن، يعتبر النفس اللي بتاخده الناس بعد زحمة الحياة والتفاصيل والمشاكل اللي بيعيشوها في حياتهم اليومية، بيبقى الواحد عايز ياخد براح ونفس إن يروح يقرأ قصة أدبية أو يتفرج على تمثيلية أو يسمع أغنية أو يحضر حفلة.

وتابع: “أنا اللي اخترت تأجيل الأغنية دي بصفة شخصية بعد ما كان عندي مكالمات مع أصدقائي في لبنان، وشوفت إن الدنيا عندهم بجد صعبة.. حسيت إني مش هقدر أنزل الأغنية، بس ده مش معناه إن أي حد هينزل أي عمل فني غلطان في أي حاجة، لأن زي ما قولت لكم الفن هو الحتة اللي الناس بتروح لها عشان تهرب من صعوبة واقع الحياة”.