مجدى يعقوب: عودة السعادة لطفل أكبر نجاح وهدفى مساعدة الناس في كل مكان

قال جراح القلب العالمى السير مجدى يعقوب، إن أكبر نجاح يجده أى إنسان عندما تعود السعادة للطفل الذى يعانى ويتألم، مؤكدا أن مساعدة الناس أكبر هدف يسعى من أجله ولا ينظر لأى نجاح يحققه.

الدكتور مجدى يعقوب: هدفي اعمل للناس البسيطة حاجة ممكن تنقذهم

وقال الدكتور مجدى يعقوب خلال حواره مع محمد صلاح على قناة أون سبورت: علشان تنجح لازم تكون بتحتقر هذا النجاح وتفكر في حاجة جديدة مش أنك تفضل تفكر في هذا النجاح، لازم يكون مرحلة وعدت.

وتابع: مذيع بى بي سي قالى أنت بتعمل الحاجات الجديدة دى علشان الناس تقول أنك عملت كذا وكذا، قلتله أنت مش فاهم حاجة، أنا بعمل كدة علشان أحقق للناس البسيطة حاجة ممكن تنقذهم، وتساعد الناس في الاستمرار في الحياة ويخفف عنهم المعاناة.

وأوضح: تحول مشوارى إلى رسالة بدأت بدرى جدا لأننا كنت دائما ابحث عن مساعدة الناس في كل مكان، ولما الناس تشوف طفلهم بيعانى وتعبان، ولما يخش العمليات ويرجع فرحان وسليم وبيلعب ويجرى هذه الفرحة لا تضاهى أي شيء ، فأصبحت ملهم للناس وبقيت أمل لهم لإنقاذ أي شخص.