إيناس الدغيدي لبسمة وهبة: عملت حلقة بكل اللي عملتوه في العالم

أكدت المخرجة إيناس الدغيدي أنها قدمت مواسم ناجحة من برنامج 'شيخ الحارة'، موضحة أنها تركت البرنامج بعد ذلك بناء على نصائح مقربين أكدوا لها أن نوعية البرنامج لا تتوافق مع شخصيتها.

وقالت الدغيدي في مقابلة مع برنامج 'العرافة' الذي تقدمه الإعلامية بسمة وهبة على قناة 'النهار': 'البرامج دي ترفيهية لكنها لا شيء بالنسبالي وكانوا عاوزين أني أكمل البرنامج'.

وأضافت: 'جالي أفكار من ناس مهمة في الفكر وقالولي إن ده مش لونك، الناس المهمين قالولي أنتي أكبر من البرنامج ده'.

وتابعت: 'العالم العربي كله مش بيقولي أفلامك فين بيقولي شيخ الحارة فين، وأنتي بتعملي برنامج العرافة كنت أنا أكتر منك بكتير في برنامج شيخ الحارة ولو نزلوا كاميرا في الشارع وقلنا برنامج شيخ الحارة اللي بتقدمه إيناس الدغيدي مش هيجيبوا سيرتك أنتي'.

وأوضحت: 'أصحابي والناس اللي بتحبني قالولي إنتي أكبر من البرنامج ده واكتشفت ده بعد كده، البرامج مش شغلتي أنا بعملها عشان بتسلي وقلت أول ما بعمل حاجة يا هعملها كويس يا مش بعملها'.

وواصلت: 'أنا عندي في برنامج الجريئة اللي عملته حلقة بكل اللي أنتوا عملتوه في العالم بتاعة عمر الشريف وأحمد رمزي'.