إمام عاشور: أحلم بلعب نهائي دوري أبطال أفريقيا على ستاد الأهلي الجديد

قال إمام عاشور لاعب النادي الأهلي، إنه يتعامل مع كل شخص أمامه على حسب الشخصية، ومن الممكن أن يكون شخص طيب أو شرير أو هادي.

وأضاف إمام عاشور، في تصريحاته في بودكاست القلعة الحمراء مع سيد عبد الحفيظ: 'أنا شخص طيب وبتعامل مع كل شخص على حسب طبيعته وده من سمات الطيبين، وأنا سعيد باستاد النادي الأهلي الجديد ، وهو أمر مميز أن تلعب على ملعبك.

وأكمل: 'إن شاء الله ستاد الأهلي الجديد، هيكون على أعلى مستوى ويسعد جماهير الأهلي، وأنا موجود مع النادي الأهلي ، ومستني ألعب نهائي دوري أبطال أفريقيا على ستاد الأهلي الجديد ، وأنا لاعب في الأهلي ومش بخاف من أي فريق.

وزاد: 'مكنتش طالب شاطر وأنا صغير وتركيزي كان في الكورة وبس، وكنت بعيد عن المذاكرة وأبويا كان مدير المدرسة، مؤكدا أن محمود كهربا من الشخصيات الطيبة واللي في قلبه على لسانه وقلبه أبيض ومكسر الدنيا في ليبيا ومتألق.

وأكمل: 'كهربا مبيزعلش أي حد منه، وبيكبر للناس وبيحترم كل الناس وكان نفسي أكون موجود مع سيد عبد الحفيظ في النادي الأهلي، ومحمد رمضان حاسم في قراراته دايما، وفي أجواء رمضان بحب أفطر مع والدي ووالدتي.

واختتم: 'ندي 4 أخوات وأنا أصغر أخواتي وحياتي أتغيرت في الشهور اللي فاتت والناس كانت شايفة أني ماشي في طريق غلط ولكن أنا غير كدا وكان كل تركيزي في المباريات وشغلي وبس وربنا وفقني وكرمني.