أحمد عبدالله محمود: "عمري ما هنسى رد أبويا لما قولتله عايز أمثل"

كشف الفنان أحمد عبدالله محمود كواليس علاقته بوالده، قائلًا: ' أبويا الله يرحمه كان صاحبي جدًا، بيصعب عليا أخويا الصغير لأنه ما شافش أبوه كتير فبحاول على قد ما أقدر أحكي له الحاجات اللي أنا شفتها '.

وأضاف أحمد عبدالله محمود خلال لقائه ببرنامجits show time، المذاع عبر قناة الحياة: 'بداية شغلي كان عندي حلمين، إن يفضل اسم عبد الله محمود عايش طول العمر، وأبقى النجم اللي هو ملحقش يوصل له'.

وتابع: 'لما فكرت في التمثيل، قال لي جملة عمري ما هنساها وهو في المستشفى بقول له عايز أمثل، وكان علي إدريس بيزورنا في المستشفى، وبعد ما علي نزل، أبويا قال: 'خلاص نويت تدخل السجن، قلتله سجن إيه؟، فرد: مش هتعرف تروح في حته مش هتعرف تعمل حاجه تانية، فكر كويس'.

وأوضح أن والده لم يرفض رغبته في الالتحاق بالوسط الفني كان يريد أن يكون له عمل آخر، وعلق: 'كان عايزني آخذ شهادة تبقى سلاحي وأعمل إللي أنا عايزه بعد كده'.