أحمد موسى: في ناس منامتش من العياط بسبب زيارة الرئيس لخان الخليلي

أكد الإعلامي أحمد موسى أن الرئيس الفرنسي إيمانويل ماكرون يعرف قدر مصر جيدا، مشيرا إلى أنه كان يتحدث بمحبة خلال المؤتمر الصحفي الذي عقده مع الرئيس عبد الفتاح السيسي.

وقال موسى خلال برنامج 'على مسؤوليتي' المذاع على قناة 'صدى البلد': 'محبة الرئيس ماكرون زادت عندنا اليومين دول لأنه حب مصر جدا وشافوه النهاردة في المؤتمر الصحفي بيتكلم على مصر والراجل ده كأنه اتولد في مصر والنهاردة مع السيد الرئيس حتى في المترو وفي جامعة القاهرة الرئيس ماكرون بيتكلم كأنه ولد هنا على أرض مصر'.

وأضاف: 'حبه لمصر واعجابه بمصر وثقته في الرئيس عبد الفتاح السيسي دا كلام مهم أوي بيجي من رئيس دولة مؤثرة جدا عسكريا وسياسيا وثقافيا فرنسا بلد تاريخ وحضارة والرئيس ماكرون يعرف يعني ايه مصر'.

وتابع: 'النهاردة في المؤتمر الصحفي كان بيتكلم كده وكلنا كنا معجبين بالكلام وهو بيتكلم وبعد ما خلص كان تصفيق حاد لأنه كان بيتكلم عن حب في مصر وساب الكلمة الرسمية وفي الاخر بيرتجل'.

وأوضح: 'في خان الخليلي الصور دي محدش يتخيلها مقفلوش خان الخليلي كان طبيعي والحركة عادية والمحلات شغالة والناس رايحة تتغدى والحياة طبيعية تماما والرئيس كان بيسلم على الناس وبيشكرهم'.

وأكمل: 'هذا هو الرئيس عبد الفتاح السيسي والشعب المصري قد ايه حبه، الرئيس لو نزل في أي مكان في مصر هيبقي كده والناس مكانتش متخيلة أن الرئيس جاي لأن الموضوع تم كده قبلها بفترة مش كبيرة مش قبلها بيومين أو عشر ساعات خالص كان بحاجات قليلة جدا الناس مكانوش مسجلين إلا لما لقوا الرئيس قدامهم مش مصدق أن الرئيس قدامه في خان الخليلي'.

واختتم: 'الرئيس ماكرون رئيس وفي لمصر وشراكة استراتيجية مع فرنسا، الرئيس وشعبيته وحب الناس الحقيقي انزل على الأرض ليس لك علاقة بالسوشيال ميديا دا مضايقين من المشهد ده وفي ناس امبارح منامتش ياجماعة ناس عيطوا وبيبكوا وفي دول انفقت مليارات الدولارت عشان أبواق الاعلام المعادي لمصر يقعد يتكلم'.