خيري رمضان: مشكلة اللاجئين بدأت تتفاقم.. وهناك ملامح عدم انضباط

أكد الإعلامي خيري رمضان؛ أن مشكلة اللاجئين في مصر تتفاقم مشيرا إلى أن هناك ملامح عدم انضباط قد بدأت في الظهور على الوضع الحالي.

وقال رمضان خلال برنامج '90 دقيقة' المذاع على قناة 'المحور': 'عندنا مثل مصري بيقول اللي بيغني مبيخبيش دقنه؛ واحنا عندنا مشكلة بتتفاقم؛ الحكومة المصرية بتسميهم المقيمين الأجانب وساعة الزنقة بتسميهم اللاجئين وفي ظل أصوات كثيرة تنتشر الان لأن بدأت تكون هناك ملامح عدم انضباط والبلد فيها أكثر من 9 مليون من جنسيات مختلفة'.

وأضاف: 'خلينا نتكلم عن القادمين من بلاد تموج بالحروب وقلت مصر أبوابها مفتوحة للجميع ولكن لما يبقي العدد كبير وتصبح السيطرة عليه إن لم يكن هناك تنظيم وتنظيم جاد وحاد البديل هو الفوضى؛ احنا بلد بتمر بمجموعة من الظروف القاسية ووضعها الجغرافي كتب علينا أن نحاط بدول مفككة وفيها صراعات وبالتالي لأن مصر بلد أمنة ستظل المشكلة دائمة'.

وتابع: 'عندنا ملايين بيخدوا ميزانيات ارقام كبيرة جدا مش قادرين ننظمهم؛ أنا مش عارف دخلوا ازاي ولما دخلوا ليه متنظموش؛ احنا عندنا حرب على الحدود في غزة والفلسطينين بيتزنقوا في حدود على مسافة 3 كم من رفح ووارد جدا ان يحدث دخول نتيجة للضغط؛ هنتعامل مع ده ازاي'.

وواصل: 'النهاردة الحكومة اهابت بالأجانب المقيمين على أرضها بتقنين أوضاعهم وتجديد اقامتهم ومنحتهم فرصة حتى يونيو القادم؛ وقالت إن هيتم إيقاف التعامل والخدمات المقدمة للأجانب المعفيين من تراخيص الإقامة اللي مستخرجوش بطاقة الاعفاء من الإدارة العامة للجوزازات'.

وأوضح: 'بالنسبة لبطاقة الاعفاء قررت الحكومة منح الأجانب مهلة حتى 30 سبتمبر 2024 بعدها هيتم إيقاف الخدمات المقدمة لحين اصدار بطاقة الاعفاء؛ دا توجيه للمقيمين على ارض مصر ولكن احنا منعرفش الاعداد مين واخد بطاقة اعفاء ومين واخد بطاقة إقامة'.

واختتم: 'اعدادهم قد ايه ولسه مش عارفين مقيمين فين؟ في صور بتيجي من مناطق راقية في مصر بتجد أعداد من جنسيات أفريقية في هذه المنطقة؛ الدولة والحكومة لها الحق في أنها توزع المقيمين على ارض مصر حتى يمكن التعامل معهم'.