كشفت الفنانة نرمين الفقي تفاصيل تقديمها دور 'فايقة' في مسلسل 'أولاد الراعي'، الذي عرض في الموسم الرمضاني المنصرم، حيث تُقدم شخصية مختلفة تمامًا عما قدمته من قبل، وتؤدي الشر لأول مرة.

وقالت نرمين الفقي خلال لقائها في برنامج كلمة أخيرة تقديم الإعلامي أحمد سالم على قناة ON، إن المنتج ريمون مقار هو من أقنعها بتقديم هذا الدور، رغم تخوفها الشديد في البداية، موضحة: 'كنت متخوفة جدًا وريمون أقنعني، وكلنا كنا في المكتب خالد الصاوي وأحمد عيد وريمون وقال لهم اقنعوها، وأنا قلت له إني معملتش النوعية دي من الأدوار، وقال لي لازم تجددي وتغيري جلدك، ولما بدأت أقرأ حبيت القصة جدًا'.

وأضافت نرمين الفقي: 'حبيت في البداية مشاعر وأحساسيس الأم اللي أخدت القلوب، ومشهد وفاة ابنها كان متعب جدًا واتصور تقريبًا 3 مرات، وكل مرة بعمله بنفس الطريقة إن مكنتش بحاول أكون أحسن، لدرجة في المرحلة التالتة بيقوموني مش قادرة اقوم، قلت ليهم سبوني أنا هبقى كويسة، فالتدرج في الشخصية والأداء ده في حد ذاته كويس جدًا'.

وتابعت: 'مفيش شر مطلق، وليه أسباب إنها ليه عملت كده ومش معنى كده إني مع فايقة في شخصيتها وأكيد مش مقتنعة بده، لكن لازم أكون مقتنعة بالدور اللي بأديه بشخصيتها وروحها وتفكيرها وإيمانها، وده نتاج ابنها اللي توفى بسبب جوزها وجوزها اللي اتجوز عليها'.

وأشارت إلى أنها تذكرت وفاة والدتها في مشهد بكائها على وفاة نجلها في المسلسل قائلة: 'أنا في اليوم ده كنت عمالة أقول ماما ماما .. الأحداث اللي زي دي بتفكرنا بحاجة تخليك تتأثر وأنا كنت مرتبطة بوالدتي جدًا'.

ويشارك في بطولة مسلسل «أولاد الراعي» مجموعة كبيرة من الفنانين؛ أبرزهم: ماجد المصري، أمل بشوشة، وخالد الصاوي، وأحمد عيد، ونوران ماجد، وإيهاب فهمي، ونرمين الفقي، إلى جانب شادي مقار، وتأليف ريمون مقار، والعمل من إنتاج شركة فنون مصر بالتعاون مع الشركة المتحدة للخدمات الإعلامية.

لو فاتك: بعد توليت ظهر كابوتشي صاحب 'تيجي تيجي' هيعمل مفاجأة مع آخر أغاني الألبوم هنقول لك عليها هنا