أحمد رمزي على انتقادات "فخر الدلتا": أنت اخترت تبقى نجم استحمل

رد الفنان أحمد رمزي على الانتقادات التي تعرض لها مسلسله 'فخر الدلتا'.

وقال أحمد رمزي خلال لقائه في برنامج 'رايح ولا جاي' عبر الراديو 9090: 'في أخطاء؟ أه في أخطاء دي حاجة طبيعية جدا أنا شفتها بعيني أنا أول تجربة طبعا نفسي تبقى الحاجة مفيهاش غلطة دا اللي في خيالي نفسي أعمل دا وبسعى دايما لده ومكنتش بنام، طلع فيها أخطاء الحمد لله إن إحنا طلعنا التجربة للنور بإذن الله اللي جاي أحسن وأحسن، اللي انبسط بقى معانا مبسوط نضمه لينا واللي لسه متبسطش إن شاء الله أضمه لينا العمل اللي جاي'؟

وتابع أحمد رمزي موضحا أنه يهتم بقراءة كل ما يكتب له قائلا: 'بقرأ كل التعليقات وزي ما هفرح بالإيجابي اللي عنده تعليق سلبي من حقه يكتبه يا أما هبقى منافق وعايز اقرأ الحلو وبس وأمثل في البيت بقى مع أبويا وأمي يفرحوا بيا العالم اللي بيحبك وعمره ما ينتقدك، عادي انتقد بأي طريقة أنا مش بيضايقني لو حد اتعصب حتى في النقد بتاعه هو كان عايز يشوف حاجة حلوة'.

وأضاف أحمد رمزي: 'أنت بتعمل مسلسل في التليفزيون عشان الناس تشوفه وبتحاول تقدم لهم حاجة ينبسطوا بيها فاستحمل أنت اخترت أن عايز تبقى نجم دا بيحفزني جدا على النجاح أكتر إن شاء الله اللي محبش دا بإذن الله ببذل كل المجهود عشان اللي جاي تحبه'.

مسلسل 'فخر الدلتا' بطولة أحمد رمزي وكمال أبو رية وانتصار وحنان سليمان وأحمد صيام ونبيل عيسى وخالد زكي، وأحمد عصام السيد وتارا عبود وعلي السبع وأحمد هشام ووليد عبد الغني وسارة علاء ولينا إيهاب وفرح عزت، قصة عبد الرحمن جاويش، ومن إخراج هادي بسيوني.