تحدث الفنان أحمد الشامي عن مشاركته في مسلسل 'جميلة' مع الفنانة ريهام حجاج مؤكدا أنه لم يندم على هذه المشاركة.

وقال أحمد الشامي خلال لقائه في برنامج 'الراديو بيضحك' مع فاطمة مصطفى عبر إذاعة 'الراديو 9090': 'أنا مش بندم على حاجة ودايما شايف أن ربنا بيبعت أحسن حاجة للفترة دي، مثلا ساعات بفكر لو في مسلسل اتعرض عليا ومعملتوش واتفرج عليه أقول الحمد لله إني معملتوش سواء الدور أنا مكنتش هبقى قده أو مش هيضيف لي'.

وكشف أحمد الشامي أن كواليس التصوير مختلفة عن كل ما يقال عن ريهام حجاج وأنه لم يحدث معه أي مشكلة قائلا: 'فترة مسلسل 'جميلة' كنت مبسوط بالدور، واللي بيتكتب ويتقال عن ريهام حجاج مش بيأثر فينا، أنا ببقى بصور وسمعت أن فيه مشكلة ليه هركز فيها، الناس بتبقى فاكرة بسبب صورة ممكن تنزل لينا وأحنا قاعدين مع بعض أننا طول الوقت قاعدين سوا دي ممكن تبقى لحظة لكن في العادي مش بنشوف بعض غير وقت التصوير كل واحد بيبقى قاعد في أوضته عشان يراجع ويذاكر'.

ومسلسل 'جميلة' عرض فير مضان 2023 من بطولة ريهام حجاج، عبير صبرى، سوين بدر، يسرا اللوزى أحمد وفيق، هانى عادل، هشام إسماعيل، نبيل عيسى، ياسر على ماهر، عبير منير، ريم سامي، رحاب حسين، تأليف أيمن سلامة وإخراج سامح عبد العزيز وإنتاج شركة العدل جروب للمنتج جمال العدل.

يذكر أن أحمد الشامي يعرض له مسلسل 'رقم سري'.

مسلسل 'رقم سري' من بطولة ياسمين رئيس، صدقي صخر، عمرو وهبة، نادين أحمد، رامي الطمباري، وعدد آخر من الفنانين، والعمل من تأليف محمد سليمان عبد المالك، وإخراج محمد عبد التواب.