زاوية خضراء .. بقلم:داؤد أبوكلام داؤد : بريطانيا حمالة القلم ومصر حمالة الورق.؟!

المتتبع للأحداث بالسودان ولتاريخه القديم والحديث وربما المستقبلي منذ أيام الفراعنة وهامان وحتي أيام ترهاقا جد النوبا العظيم. كل الخراب والغزو الأجنبي وكل الرياح السياسيه والاستعماريه الصرصر العاتيه تاتينا من قبل وإتجاه مصر.؟؟!! وتكون مصر مردوفه علي الخلف مع كل مستعمر دخيل سواء كانت الدابه ( جمل أو حصان أو حمار أو بغل أو حتي تور أو سكة حديد أو باخرة أو خط تلغراف ) نحن الشعب السوداني شعب عاطفي وطيب القلب ونعتقد بأننا شعب عزيز ومعلم وخطير وشجاع وزكي وكريم وما عارف شنو داك ؟؟ عملنا كده في دول الخليج وأسسنا الإتحاد الأفريقي ذاتووو وكانت الخرطوم محط أنظار العرب والافارقه وكانت عاصمتنا الخرطوم الجميله ومستحيله كانت تغسل بصابون الفنيك ومن دييك وعيييك سكنتها الكدايس ولحقت سوبا وأيام عجوبة خراب في خراب ؟؟؟ مصر منذ العام ١٨٢٠ مروراً ب ١٨٩٩ و١٩٥٦ وحتي ٢٠٢٥ تابعوا تاريخها ومواقفها منذ الخديوي وبطرس غالي وكرومر وغردون والسردار وكتشنر ووجند وهكس واسماعيل باشا وخورشيد وخراب السلطنة الزرقاء وممكلة الفونج وحتي مملكة تقلي وحتي الحضارة السودانية تمت سرقتها وما زلنا نغالط أنفسنا في إصرار إيهما الأقدم الاهرامات في مروي والبجراوية ام إهرامات الجيزة بمصر ؟؟ ( يا نوبا خلوا أكل اللوبا يا حليلك يا ذنوبا وين الدهب وين الراكوبة) حتي تجارة الرق منذ اتفاقية البقط ( أو القسمة باللغة الكوشية النوبية ) كانت عن طريق مصر هل قالوا لا لا نحن اخوات وابناء النيل رجعوهم. ؟؟؟ حتي الزبير ود رحمة تاجر العبيد استقر بمصر وكان غردون مصر كل الإصرار أن يكون ضمن حكومته في استعمار السودان؟؟ لكن بريطانيا العظمي خافت علي سمعتها بأن تستعين بتاجر الرق والعبيد سيء السمعه والتاريخ المعفن. ؟؟ مصر كانت ومازالت وستظل في مخيلتها بأن أمنها من امن السودان وموتها وحياتها مربوط بالسودان ؟؟!! ولو قدر الله وحكم السودان مليشي جنجويدي متآمر مع إسرائيل مصر يومها لن تجد ماء أو مويه تشربها أو تغسل بها وشها ( يا أماني الطويل شايفك عامله فيها أكبر متفلسفة في شئون السودان ). السودان بحر غريق أياكي وأياكي أن تغرقي وتكوني عبره مثل فرعون لمن خلفك آيه ؟! مصر شاركت في إحتلال السودان مع بريطانيا حتي الحكم الثنائي ورفع العلم البريطاني والمصري في آخر نقطة في فشودة حيث كان النزاع بين بريطانيا وفرنسا ؟؟؟ مصر مازالت متمسكه بإتفاقية ١٩ يناير ١٨٩٩ وإعلان ٢١ مارس ١٨٩٩ وكانت بين حكومة صاحبة الجلالة البريطانية وحكومة صاحب السمو خديوي مصرفي فيما يختص بإدارة مستقبل السودان وقد وقع و مضي عليها علي الورق وقتها بطرس غالي المصري وكرومر الانجليزي وما زالت هذه الاتفاقية لم تبارح مخيلة النخب المصرية الحاكمه حتي تاريخ سعادة الرئيس المصري الحالي/ عبدالفتاح السيسي في أيامنا هذه. ؟؟!! وكل كم يوم يأتي وزير الخارجية المصري ووزير الدفاع ومدير الاستخبارات الحربيه ويقابل سعادتنا وسيادتنا السودانية/ عبدالفتاح البرهان خلف الأبواب المغلقة وخلف النظارات السوداء.؟؟ ومازالت أيام السودان سواد في سواد.؟؟ !! ونحن في السودان نظن كل الظن بأن مصر قاعده تتضحك علينا. ؟؟ وتحت الطاوله هم مع بريطانيا وأمريكا ودول الخليج ملك ملك وأمير امير وشيخ شيخ ودرهم درهم وريال ريال ودينار دينار ؟؟ ويقول ليك؟ نحن والسودان في خندق واحد في مواجهة سد النهضة الإثيوبي الخطير علي الشعبين الشقيقين؟؟ نحن أخوات يا ابوسمرة .. يا بن النيل وبغادي يسبك ويقول ليك( يا مغفل في ستين نيلة يا عبدة يا بواب ). وعينهم علي النيل والميه من سد النهضة مرورا بجبل أولياء مرورا بخراب سوبا وخراب الخرطوم حتي خراب حلفاء القديمة ( ولا مش كده يا عبود سامحك الله في قبرك ) وصولاً الي السد العالي بأسوان وقصائد الابنودي وفاطمة وزوجها حلاجي القط ؟؟ حتي دلتا رشيد ودمياط. حيث البحر الأبيض المتوسط المالح ؟؟ عموماً سامعك تحت قاعد تقول أبوكلام ده زول حيوان داير يخرب العلاقه بين الدولتين الجارتين الشقيقتين. ابناء وادي النيل؟ لكن انت ما عارف نفسك واصلك ترله وتمبله قاطرها قندراني عامل فيها فاهم.؟ لكن ما فاهم. ؟ شغال بالعواطف وما ناقش حنان حنانك. ؟ ويوم ها تعضي بنانك.واصابع الندم ؟ وتفقد كل حيواناتك من ( جمال وبقر وضأن وغنمايات وحتي علف الفول وكمان صمغ وكركدي وسمسم وتسالي ) آه.. آه .. من ظلم الأيام والليالي ؟؟ يا مصر هل أنتي اخت بلادي ولماذا شاركتي السردار وونجد وكتشنر وهنر وكل الإنجليز وما رأيك في الرباعية.؟؟ والانجليز أصلا زعلانين وغضبانين من الثورة المهدية أو الدراويش الأعراب كما يسمونهم ودايرين يشيلوا تار رجلهم العظيم (غرودن الذي قطع راسه في قصر الخرطوم من قبل دراويش المهدية) واعادة الشرف البريطاني الرفيع العظيم من مجاهل أفريقيا في بلد إسمة السودان (قال بريطانيا حمالة القلم في مجلس الأمن.؟! هل تظنون بأننا طير مازال في اشجار الباقير.؟؟ ومن عجائب الدنيا هذه الأيام.؟؟ نساء امدرمان يحططبن ويجلبن الحطب من الخرطوم .؟!). وقتلتم يا مصريين مع الانجليز في كرري وجبل سركاب ٩ ألف سوداني شهيداً و١٠ ألف جريح و٥ ألف أسير ؟؟ وطارتم الخليفة التعايشي حتي جبال النوبا في قدير عن طريق فشودة واخير قتل ما بين كردفان والنيل الأبيض علي فروة جلد حيوان وبجانبه الأمراء علي ود حلو واحمد فضيل وعدد كبير من أعوانه.؟؟ وانتهت ثورة الدراويش الحمقاء.؟؟ …أنا ما عارف ناس دارفور ديل الواحد فيهم لمن يتعصر ويتزنق بجي جاري جبال النوبا وكردفان شوف من زمن الخليفة عبد الله التعايشي والمقدوم والمسبعات وناس جبريل ومني كل الجبهة الثورية والحلو واخيراً مليشيا الجنجويد وفلول حميدتي ما يدوك درب في مناطق الكواليب والغلفان وكاودة وسلارا ولقاوة والقوز ما قلتوا ما نوبا الروب الحامض هههههه. (وهسي يا نوبا شوفوا مناطق كاوده وماحولها وكيف تعمل شركات الدهب بتاعت حميدتي والحلو وحركة الطائرات في معسكر ايدا ) عموماً مساحة زاويتي الخضراء لا تسمح (ويا مصر أنصحك شتتي الورق ) ونقول لكم في الختام ( تبت يدآ أبي لهب وتب مآ أغني عنه ماله وما كسب سيصلى ناراً ذات لهب وأمرأته حمالة الحطب في جيدها حبل من مسد ) وتباً لكل حمال قلم وورق ضد الشعب السوداني ؟؟ وتباً لميلشيا الجنجويد والحركة الشعبية وعليهم لعنة أطفال كالوقي وروضة الحنان بجبال النوبا وجنوب كردفان وكل السودان تباً لكم وتب. ؟؟

المك/داؤد أبوكلام داؤد

مدير مركز عيون التلال الاعلامي الاربعاء العاشر من ديسمبر ٢٠٢٥.