آخر رسالة صوتية من سمية الألفي لـ أحمد الفيشاوي: ربنا يريح قلبك زي ما بتريح قلبي

كشف السيناريست والمخرج محمد صلاح العزب عن تسجيل صوتي ورسالة وجهتها الفنانة الراحلة سمية الألفي لابنها أحمد الفيشاوي بعد زيارتها لموقع تصوير فيلمه 'سفاح التجمع'.

ونشر محمد صلاح العزب الرسالة الصوتية عبر صفحته على Facebook: 'حبيبي أحمد ربنا يخليك ليا ويارب يسعدك زي ما بتسعدني ويريح قلبك زي ما بتريح قلبي، حبيبي يا أحمد ربنا يكرمك ويزيدك وينجحك كمان وكمان'.

وتابعت سمية الألفي: 'الفيلم دا هيكسر الدنيا يا واد وابقى قول ماما قالت وإن شاء الله هيعمل نقطة تحول كبيرة في حياتك أنت مختلف تماما يا أحمد في الفيلم دا وعايش بجد شخصية بقالي كتير مشوفتاكش عايش الشخصية كده عارف من أيام إيه من أيام فيلم '45 يوم' من الفيلم دا مشوفتاكش عامل كده غير في سفاح التجمع ودا من حظ محمد عزب أمه دعياله زي ما أنا بدعيلك بحبك يا حبيبي'.

وأكملت: 'بس كبرت أوي يا أحمد شكلي باين أوي بقالي كتير أوي مطلعتش في صورة، شكلي كبرت أوي بس مش مهم أنا بحب سنين عمري كلها المهم أنت جميل يا أحمد وبتشتغل مع مخرج جميل ربنا يوفقكم يارب وشكلك هتعمل كارثة بالفيلم دا عندي إحساس غريب أن الفيلم دا هيعمل ضجة ربنا يزيدك يا حبيبي أنا بحبك، ميرسي على استقبالك وحنانك كتر خيرك يا أحمد'.

ورحلت سمية الألفي عن عالمنا صباح السبت 20 ديسمبر عن عمر ناهز 72 عاما.

وغاب أحمد الفيشاوي عن جنازة والدته لتواجده خارج البلاد.

لو فاتك: وداعا سمية الألفي .. صاحبة قصة حب معرفهاش الوسط الفني قبل كده