طروب: هربت من فريد الأطرش لما طلبني للجواز

حكت المطربة طروب عن قصة طلب الفنان فريد الأطرش يدها للزواج.

وقالت طروب خلال لقائها في برنامج 'معكم' مع منى الشاذلي: 'فريد الأطرش طلبني للزواج وأنا مقدرتش أقول أي حاجة لما طلب الطلب دا، قلت له أديني وقت أفكر، ليه لأن أنا كنت لسه خارجة من الطلاق وحقوقي ضايعة كفنانة عايزة أثبت وجودي، هو لما قال عاوز ارتبط قالي أنا غيور جدا تشتغلي في أفلامي وحفلاتي ومفيش سفر لوحدك، لو روحتي للكوافير لازم أعرف ويكون معاكي السواق حسيت إني طلعت من سجن وهدخل سجن تاني'.

وتابعت طروب: 'سكت وهربت ومشافش وشي ومعرفش يوصلي، بعد فترة طويلة سنة أو اتنين اتقابلنا في حفل ودخل فريد الأطرش متأخر سلم على كل الناس ومسلمش عليا، اللي أخد باله الشخص اللي عزمنا على الحفل وبعد 10 دقايق لقيته بيكلمه وبعد شوية جيه صاحب البيت طلب مني أروح معاه للمكتب ولقيت فريد الأطرش قاعد وطلب مني أن نتصالح، وفهمت أنه زعلان مني عشان مسألتش عليه ومرديتش عليه لا قلت أه أو لأ، وأنا مكنش عندي وقتها فعلا حسن التصرف، اعتذرت له لأني معرفتش اتصرف وأن اللي قدرت عليه أني هربت وعملي الأغنية عشان الصلح'.

وأكملت طروب: 'فريد الأطرش لحن ليا أغنية اسمها 'على الكرنيش' والأغنية دي كانت رقم 1 في لبنان وسوريا'.

يذكر أن الفنانة طروب كانت من ألمع الأسماء في فترة الستينيات، وتعاملت خلال مشوارها مع ألمع الأسماء في مجال السينما والموسيقى.