تامر حبيب يشيد بهند صبري في "مناعة": هيبة ونجومية وكاريزما ماحدش هيقدر يحققها غيرها

أشاد السيناريست تامر حبيب بالفنانة هند صبري ومسلسلها 'مناعة'.

ونشر تامر حبيب عبر حسابه على Instagram صورة لهند صبري من المسلسل وكتب: 'مجرد وجود وحضور وكاريزما هند صبري بيحسسك بطعم ومعنى النجمة، تخيل لو أي حد غير هند، وبالأدق من الأجيال اللي بعدها - مع كل حبي و تقديري وإعجابي بممثلات كتير من الأجيال دي - تخيل لو غير هند هي اللي عملت شخصية 'غرام' في 'مناعة'، فيه هيبة ولمعة ونجومية وحضور وكاريزما ماحدش هيقدر يحققها غيرها، بجد و مش مجاملة ولا مبالغة، أنا بأحس بهيبة كده وهي بتعمل المشهد قدامي'.

وتابع تامر حبيب: 'طبعا أنا حابب المسلسل جدا ومشدودله وبشكر كل أصدقائي وزمايلي اللي شاركوا في أن المسلسل يبقي بالجودة والمتعة دي… بس أنا قاصد اخص هند بالذات هنا'.

وأكمل: 'أولا عشان هي عاملة الدور حلو قوي، وثانيا لإنها ممثلة بقالها سنين كتير وبمنتهي الاحترام والموهبة والذكاء والتطور بتبني نجمة اسمها هند صبري'.

مسلسل 'مناعة' بطولة هند صبري، أحمد صلاح حسني، أحمد خالد صالح، ومها نصار، ومحمد علي رزق، ورياض الخولي، فكرة عباس أبو الحسن، وتأليف عمرو الدالي، وإخراج حسين المنباوي.