بعد نجاح "حالة خاصة".. أحمد أمين لطه دسوقي: دي يا سيدي المناظر اللي بنشوفها لما نبطل نحبط المواهب

وجه النجم أحمد أمين رسالة لطه دسوقي بعد نجاح مسلسل 'حالة خاصة'.

نشر أحمد أمين صورة تجمعه بطه دسوقي، وعلق عليها كاتبا عبر حسابه بتطبيق Instagram: 'أهي دي يا سيدي المناظر اللي بنشوفها لما نبطل نحبط المواهب و نخاف ندي مساحة لحد معملش حاجة قبل كدا..

بنشوف مناظر تشرف وتفرح زي طه دسوقي في أول بطولة.. وعبد العزيز النجار كمخرج في أول مرة إخراج لعمل درامي..

وده الحقيقة الدور اللي لازم دايما نعمله اننا نصدق في مواهب جديدة تستحق ونسيبلها المساحة والفرصة.. ساعتها هيفرحونا ويتحولوا لمكاسب ونجوم تنور وتأثر..

وهي مصر كدا هتفضل ولادة ومليانة مواهب وأجيال جديدة تستاهل أحلى تحية وسلام..

مش هاقول لك مبروك يا حبايبي ليكم أنا هاقول مبروك للمجال انضمامكم له كفنانين كبار'.

مسلسل 'حالة خاصة' من أعمال Watch it الأصلية، بطولة طه دسوقى، غادة عادل، أحمد طارق، هاجر السرّاج، حسن أبو الروس، وئام مجدى، أحمد الأزعر، على السباعى، لينا إيهاب، الطفل آدم وهدان، أدهم النحاس ، تأليف مهاب طارق وإخراج عبد العزيز النجار وإنتاج طارق الجنايني.

لايفوتك: #شرطة_الموضة: أجمل إطلالات النجمات في Joy Awards ... وأسوأ الإطلالات