مي عمر تتحدث عن سرّ رشاقتها في "إش إش" وصعوبات الشخصية

خلال استضافتها في برنامج 'تفاعلكم'، تحدثت النجمة مي عمر عن تفاصيل شخصيتها في مسلسل 'إش إش' والتحضيرات التي أجرتها قبل التصوير لتطبيق دورها كراقصة.

وأكدت النجمة المصرية أنها خسرت الوزن الزائد الذي كانت اكتسبته من أجل شخصية (نعمة الأفوكاتو) وقالت: 'أنا رجعت لوزني الطبيعي لأني كنت في نعمة اكتسبت وزناً إضافياً من أجل الدور، بعدين رجعت لوزني لأن الدور لازم تبقى البنت رفيعة لأنها بتشتغل راقصة'، لافتة إلى أنها 'قبل المسلسل ما كنتش بعرف أرقص وفضلت 6 شهور أتعلم عشان لازم للشخصية'.

وأوضحت أن 'أكتر شيء عجبتني في الدور أن (شروق) رقاصة وأمها وخالتها راقصات، هو العالم بتاعها دا لكن هي رفضاه وعندها طموح آخر، ولما حصلها مشكلة في حياتها فهي متربية في العالم دا ومتأثرة بيه جدا، حتى لبسها محافظ بس فيه الروح بتاعتهم مش بتلبس كطالبة جامعية، طريقة كلامها، كان ممكن تتغير لو الحياة أدتها الفرصة دي'.

وأضافت: 'الموقف اللي حصل معاها بسبب أن هو استحلها عشان بتشتغل رقاصة مع أنها كانت رافضة دا ومتستاهلش اللي حصل فإحنا بناقش أن مش لازم نحكم على حد من برا مش عشان بتشتغل كذا متكونش كويسة'.