أمل حجازي توجه رسالة لشيرين عبد الوهاب: هي صوت مصر ونفسي ترجع

وجهت الفنانة اللبنانية أمل حجازي رسالة دعم للفنانة شيرين عبد الوهاب.

وقالت أمل حجازي خلال لقائها في برنامج'neshan_x' مع نيشان: 'شيرين أكتر حد بسمع له في مصر زعلت كتير على اللي حصل معاها ونفسي ترجع حرام الصوت والإحساس دا، بقولها بصي على نفسك واتفرجي واسمعي الأغاني اللي الناس عشقتك من خلالها'.

وتابعت أمل حجازي: 'شيرين فيها من شخصيتي حساسه ومش مصطنعه النوع دا من الاشخاص رقيق من جوا بحسها رقيقة وانظلمت بقولها قوي نفسك عشان ولادك وجمهورك، أنا من جمهورك إن شاء الله ترجعلنا'.

وعندما سألها نيشان عن لقب صوت مصر من الأحق به قالت أمل حجازي: 'صوت مصر شيرين عبد الوهاب، أنغام بحس لازم تنتبه على اختياراتها لأن صوتها فيه عنده إحساس ضايع في الاختيارات'.

وخلال اللقاء تحدثت أمل حجازي عن خلعها للحجاب وقالت: 'مش هرجع للحجاب لو كنت هرجع اتحجب مكنتش قلعته، قبل خطوة خلع الحجاب تأكدت هل الحجاب فريضة أم لا، وبالنسبة لي الحجاب ليس فرضا'.

وعن فترة ارتدائها الحجاب قالت أمل حجازي: 'موضوع الحجاب كنت في فترة عايزة اتقرب من الله بعد المرض وبعد شفائي، المرض ليس هو ما جعلني أتحجب، كنت أسمع من ناس وكونت فكرة عن الدين لكن فعليا لم اقرأ، وقتها خرجت من تجربة المرض وتعبانة نفسيا فكرت أن هذا هو التقرب من الله أن أغطي شعري وانعزل عن الناس'.

وعن أغنيتها 'حجابك تاج' ودعوتها فيها للفتيات لارتداء الحجاب: 'جل من لا يخطئ بوقتها كانت قناعاتي وغنيت أغنية 'حجابك تاج' لكن الآن لا أغنيها، واشطب الأغنية من سجلي لأن البنت تكون حلوة بالحجاب أو بدون حجاب، والحجاب ليس فقط هو التاج، ممكن يكون تاج المرأة كل شيء آخر'.