زوجة رامي صبري ترد بقوة على تصريحات ويجز (فيديو)

خرجت شيرين عادل زوجة النجم رامي صبري عن صمتها لترد بقوة على الهجوم الذي شنه مغني الراب ويجز على زوجها.

ونشرت شيرين جزءًا من حديث رامي عبر حسابها على 'إنستغرام' وعلقت عليه في رسالة طويلة قالت فيها: 'ده جزء من الحلقة اللي رامي اتكلم فيها عن الراب.. ومن هنا ورايح مش هسكت وهرد على أي حد يفكر يتكلم عنه تاني بأي طريقة مش عجباني..'.

تابعت: 'أولاً رامي اتسأل سؤال في برنامج ورد وعنده كل الصلاحية لأي رد أو إجابة على أي سؤال يعني مفيش أي مانع يخلي رامي لما يتسأل سؤال ميجاوبش، وثانيا رامي صبري ده يا حضرت فنان من أهم الفنانين فى الوطن العربى ومن أهم الأصوات، ده لو حضرتك مش معانا في مجال المزيكا، وبعدين والله يا ريت رامي عنده الوقت بتاع حضرتك الفاضي أوي بتاع 5 شهور فاضي يا ريت كنا نتمنى'.

أضافت: 'أما بقى موضوع رامي رقم كام ده هو الحقيقة مش شاغل بال رامي أوي بس لو حضرتك شايف إن رامي رقم 19 مع الأسف الشديد لازم أقول لحضرتك تبقى أنت مش موجود على الخريطة من الأساس.. أغنية واحدة من رامي صبري واحدة بس تعمل تاريخ لناس، محتاج تذاكر كويس وتعرف أنت بتتكلم عن مين، قبل ما تتكلم لأنك واضح إنك عندك شغل تانى غير المزيكا لأنك لو جوة الشغلانة كنت مش هتقول ولا كلمة من الكلام ده علشان الناس متضحكش عليك لأنك اتكلمت عن فنان بجد مش جاى يهزر، وأخيراً لما تحب تعمل دعاية لأغنيتك الجديدة ابعد عن اسم رامي صبري أنا عارفة إن اسمه ممكن يخلي الأغنية ترند بس حاول الأغنية بتاعتك الجديدة تعتمد فيها على نفسك'.

وتفاعل عدد كبير من متابعي شيرين مع المنشور، خاصة أنها دعمت زوجها بقوة في الموقف الأخير مع ويجز، باعتباره لم يقصد الإساءة الى أحد.