حسن الشافعي يرد على اتهاماته بدعم الحرب - فيديو

أصدر الفنان حسن الشافعي فيديو توضيحي لموقفه بعد الهجوم عليه مؤخرا لتقديمه لأغنية جديدة تحمل قصيدة يمنية تراثية، وربط عدد من الجمهور بينها وبين دعم أو تشجيع لأي جهة أو فصيل بعينه.

وقال حسن الشافعي في مقطع فيديو عبر حسابه بتطبيق Instagram: 'بتهاجم بقالي فترة بسبب أغنية قدمتها مؤخرًا بتحمل قصيدة فيها معاني مربوطة بمجموعات سياسية والناس هاجموني واتهموني إني بروج للعنف والحرب وأنا أبعد ما أكون عن ده، أنا مكنتش أعرف كواليسها'.

وأضاف حسن الشافعي: الموضوع إني عملت مشروع موسيقي مؤخرًا، بعمل موسيقى إلكترونية مدمجة بالثقافة العربية بتاعتنا، عايز أوصل التراث بتاعنا للعالم كله وطبيعي إني بدور على قصايد قديمة من تراثنا، وعلى حد علمي إن القصيدة اللي عليها مشكلة إنها من التراث اليمني القديم لكن من الواضح إن في مجموعة سياسية بتستخدمها حتى أصبحت شبه شعار ليهم.

وتابع حسن الشافعي: مش بغنيها غير عشان هي من التراث اليمني، أنا دلوقتي شيلت الأغنية من على كل المنصات عشان مش عايزين نضايق أي حد ممكن يكون أساء الفهم، وعشان مش عايز المحتوى ده الناس تستخدمه بشكل غلط أو تروج لأفكار مش صح، دايما بحب أتحمل المسؤولية وده سوء تقدير مني وبعتذر أي حد أساء الفهم وشكرًا للناس اللي فهمني.

واختتم الشافعي: هعيد كتابة أغاني المشروع وهكتب أغنية عن السلام عشان تكون رسالة واضحة مني إني بروج لحاجة إيجابية.