هل يقدم فيلما كوميديا مع ياسمين عبد العزيز؟ أحمد العوضي يجيب

تحدث الفنان أحمد العوضي عن إمكانية تقديمه لفيلم كوميدي مع زوجته الفنانة ياسمين عبد العزيز.

وقال أحمد العوضي خلال لقائه في برنامج 'مساء الإمارات' من تقديم عبد العزيز أحمد: 'أنا مش بحسبها ممكن وارد أه ووارد لا، السيناريو هو اللي بيحكم'.

كما تحدث أحمد العوضي خلال اللقاء عن تقديمه لشخصية الشاب الإسكندراني في فيلمه الجديد 'الإسكندراني' وقال: 'الحمد لله استقبال إخواتي في إسكندرية كان فوق ما اتخيل حب الناس فضل من ربنا أنا مليش يد فيه، أي شخصية بعملها سواء صعيدي أو إسكندراني بشتغل عليها بحيث أنها تطلع بتفاصيلها لما حد يشوفها يصدق أنه إسكندراني، وبعدت عن الكليشيهات اللي الناس معتاده عليها عملته طبيعي زي ما هو موجود وبشوفه في الشارع، في فرق بين اللي بنشوفه في التليفزيون وبين اللي بنشوفه في الشارع أنا بعمل الحقيقي بطلعها باللي عينه شافته'.

وتابع: 'لما ذاكرت الإسكندراني نوع الدراما مختلف الصراع بين أجيال بين الأب وابنه، والناس بتستنى مني لزمات محددة بحب أعملهالهم'.

يذكر أن فيلم 'الإسكندراني' من إخراج خالد يوسف، ومستوحى من رواية تحمل الاسم نفسه للكاتب الراحل أسامة أنور عكاشة، ويضم فريقا مميزا من النجوم وهم أحمد العوضي، زينة، عصام السقا، بيومي فؤاد، حسين فهمي، صلاح عبد الله، محمود حافظ، محمد رضوان، ورحاب الجمل.

الفيلم من إنتاج شركة مصر العربية للإنتاج السينمائي بالتعاون مع روتانا ستديوز، ويروي قصة شاب يعيش في مدينة الإسكندرية ويتعرض لمجموعة من التحديات والصراعات في حياته اليومية، كما يتناول الفيلم عدة قضايا اجتماعية وسياسية مهمة، ويسلط الضوء على بعض الجوانب القاسية في المجتمع المصري.

كاميرا في الفن في العرض الخاص لفيلم ليه تعيشها لوحدك ... شاهد ماذا قال النجوم