عزيز الشافعي: كتبت تتر "اتنين غيرنا" في يومين ومكنتش متوقع النجاح دا

حكى الشاعر والملحن عزيز الشافعي كواليس كتابته لأغنية 'مش حبيبي بس' تتر مسلسل 'اتنين غيرنا' الذي عرض في النصف الأول من شهر رمضان 2026.

وقال عزيز الشافعي في لقائه ببرنامج 'نجوم رمضان أقربلك' مع إنجي علي عبر إذاعة وقناة 'نجوم FM': 'آخر تتر عملته قبل رمضان اللي هو 'اتنين غيرنا' مع أنغام مع أن أنا كنت قرأت الحلقات من قبل لأن رنا أبو الريش المؤلفة صديقتي كانت بتوريني الحلقات قبل التصوير حتى لكن في الأول كانوا هيعملوا موسيقى وغيروا رأيهم قبلها بأسبوع وقالوا هيعملوا تتر'.

وأكمل عزيز الشافعي: 'ودا وقت قليل جدا عشان تعمل أغنية بس أنا كنت دارس المسلسل وعارف القصة كتبت الأغنية في يومين وسمعتها لهم وعجبتهم وأنغام عجبتها، الأغنية نجحت نجاح كبير ومكنتش متوقع النجاح دا عارف إني عامل أغنية حلوة لكن النجاح لا مش متوقعه'.

أغنية 'مش حبيبى بس' غناء أنغام، كلمات وألحان عزيز الشافعى، وتوزيع موسيقى ميكس وماستر لطارق مدكور.

'اتنين غيرنا' من بطولة آسر ياسين ودينا الشربينى وفدوى عابد ونور إيهاب وهنادى مهنا وناردين فرج وأحمد حسن، وهو من تأليف رنا أبو الريش وإخراج خالد الحلفاوي.

وجاءت كلمات الأغنية:

مش حبيبي بس

أنت صاحبي وقلبي ونصي اللي كنت بدور عليه

أنت قمري وقدري

نصيبي وطبيبي اللي تسلم ايديه

في حبك أنت شوفت كل المعجزات وعرفت جيت الدنيا ليه

وبقالي حد أعيش عشانه

وضهر اتسند عليه

طب ماتقبلناش بدري ليه

يا عيني على العمر اللي فات

وعيني عيني عيني عيني

على اللي بينك أنت وبيني

عيني

على اللي حبه جاني حياني تاني

أنت أجمل من رأت عيني يا عيني

بيتر ميمي يرد على كابتن إيلا بعد تعليقها على مسلسل 'صحاب الأرض'