رقص ليلى أحمد زاهر مع والدها على أغنية "قمرين" في عقد قرانها

شاركت الفنانة الشابة ليلى أحمد زاهر جمهورها بفيديو لها وهي ترقص مع والدها في عقد قرانها.

نشرت ليلى أحمد زاهر الفيديو عبر حسابها على Instagram وظهرت فيه ترقص مع والدها على أنغام أغنية 'قمرين' لعمرو دياب.

وكان أحمد زاهر لم يتمالك نفسه وبكى لحظة عقد قران ابنته على الفنان والمنتج هشام جمال.

واحتفل أحمد زاهر بعقد قران ابنته ليلى وهشام جمال مساء الاثنين 14 أبريل.

وحضر عقد القران عدد من النجوم منهم محمد جمعة وعمرو وهبة وأحمد صفوت وكمال عطية وعمرو وهبة ودنيا سامي وشام الذهبي.

وكان الكابتن محمود الخطيب رئيس النادي الأهلي شاهدا على عقد القران.

وكانت الفنانة الشابة ليلى أحمد زاهر تحدثت عن خطيبها الفنان هشام جمال وأهم ما يميز علاقتهما.

وقالت خلال لقائها ببودكاست 'موضوع عائلي' مع صدقي صخر: 'لما بتلاقي حد خايف عليك بجد من قلبه ومحترم أوي وبيحافظ عليك زي ما أبوك طول عمره عاش حياته كلها واشتغل وتعب عشان يحافظ عليك، لما تلاقي حد مصدر الأمان في الحياة خلاص مش بتبقى عايز حاجة تانية'.

وتابعت ليلى أحمد زاهر حديثها عن هشام جمال: 'أنا طول الوقت مطمنة هو مصدر أمان بالنسبة ليا وحاجة مهمة أوي، بحترم علاقتنا وبحبها وببقى عايزة دايما أحافظ عليها وهو كمان، وأهم حاجة الواحد يعرف إزاي يحافظ على العلاقة من دون تدخل أي حد في الحياة أيا كان هو مين، يعني لو في مشكلة بيني وبينه المشكلة دي هتخلص ما بينا مش هتخرج برا عننا'.

وكان هشام جمال وليلى أحمد زاهر احتفلا بقراءة الفاتحة في يناير 2024 في جو عائلي بسيط، وأعلنا أنهما سيقيمان حفل الخطبة في وقت لاحق.