عمرو محمود ياسين يرد على شائعة ارتباطه بفنانة

رد المؤلف عمرو محمود ياسين على الشائعات التي انتشرت حول ارتباطه بفنانة.

وقال عمرو محمود ياسين خلال مداخلة مع برنامج 'تفاصيل': 'انزعجت أوي من هذا الشكل من الشائعات والكلام غير المسئول اللي بيتعرض لكيان أسرة، واللي يخرج عن لسانه أو كلمتين يكتبهم في أي مكان بإحساس مريح أنه عادي يكتب ويضرب في سمعة أسرة معرفش اللي عمل كده دخل نام عادي وهو مرتاح وهو بيسيء لسمعة أحد الأشخاص، حاجة بقدر ما ازعجتني وضايقتني لكن قلت اللي يعيش ياما يشوف'.

وتابع عمرو محمود ياسين: 'كلام فاضي ولا أصل له ولا صحة لأي كلمة اتقالت في هذا الإطار وهقول إيه مش هطلع أحسبن على الهواء ربنا يهدي ويصحصح عقول وضمائر هؤلاء وحتى لو البني آدم عنده خطأ ما والحمد لله دا مش حاصل معايا أنت مكلف تستر مش تفضح فما بالك لو أنت أصلا على خطأ دي جريمة كبيرة أتمنى اللي عمل كده يراجع نفسه'.

وعن رد فعل زوجته الإعلامية آيات أباظة قال: 'أنا وآيات زعلنا وتضررنا ربنا يحفظها ويشفيها زوجتي لا يصح أن كان يتلاعب بأسرة كده ببساطة وبهذا الدم البارد'.

وشارك المؤلف عمرو محمود ياسين في رمضان 2026 بمسلسل 'وننسى اليل كان'.

مسلسل 'وننسى اللي كان' بطولة ياسمين عبد العزيز، كريم فهمي، شيرين رضا، إنجي كيوان، خالد سرحان، محمد لطفي، إدوارد، ومنة فضالي، والعمل من تأليف عمرو محمود ياسين وإخراج محمد حمدي الخبيري.