علي البيلي عن دوره في "لام شمسية": قلت لماما أنا خايف مش عاوز اروح ولما قابلت كريم الشناوي أقنعني وكلامه دخل قلبي

قال الطفل علي البيلي إن ترشيحه لتجسيد شخصية 'يوسف' في مسلسل 'لام شمسية' جاء من خلال اتصال هاتفي تلقته والدته، أخبروها فيه بوجود دور لي في عمل درامي ضمن السباق الرمضاني، دون توضيح لطبيعة الدور أو تفاصيل الشخصية.

تابع علي البيلي خلال لقائه في برنامج 'كلمة أخيرة'، مع الإعلامية لميس الحديدي عبر قناة ON: 'بعد كده عرفت الدور وأنا رايح مع ماما للأوديشن وقلتلها: مش عايز أروح، أنا خايف آخد الدور، وخايف الناس تقول إيه؟! فقالتلي: براحتك، اللي أنت عايزه'.

وأضاف: 'بعد حوالي 3 أسابيع، كلموا ماما تاني وقالولها إن كريم الشناوي عايز يشوفني، وهي أقنعتني إن دي فرصة أقابله حتى لو في أعمال قادمة'.

وأردف: 'لما قابلته شرحلي إن الدور مهم وبيخص ناس كتير، ووقتها مكنتش فاهم أوي، بس لما بدأ يشرحلي أكتر، اقتنعت، وكلامه دخل قلبي ومعرفش أقنعني إزاي'.

وعن بدايته مع الفن قال: 'شاركت في مسلسلات: 'الكبير'، و'ليه لأ'، و'اللعبة'، و مسلسل 'كتالوج' صورناه قبل عام سيعرض في يونيو القادم، بطولة محمد فراج وريهام عبد الغفور، من إخراج وليد الحلفاوي'.

علي البيلي كشف أنه من محافظة الاسكندرية، وأنه أحب الفن وشارك في المسرحيات المدرسية من عمر خمس وست سنوات قائلاً: كنت ببقى بطل المسرحيات والمعلمين قالوا لوالدتي إني كويس في الاداء ومش خجول فأمي قررت تأخذني أعمل أوديشن في القاهرة وكان أول عمل شاركت فيه هو 'ليه لأ' وكان دور صغير.