وفاء عامر: إبراهيم شيكا كان بيغير على جرح تغيير المسار عندي في البيت ... مفيش حاجة اسمها سرقة أعضاء

كشفت النجمة وفاء عامر كواليس فيديو ظهرت فيه برفقة لاعب كرة القدم السابق إبراهيم شيكا، عقب خضوعه لجراحة تغيير مسار.

وقالت وفاء عامر خلال لقائها مع الإعلامي أحمد سالم في برنامج 'كلمة أخيرة' المذاع عبر قناة ON: 'إبراهيم كان بيغير على جرح عملية تغيير المسار عندي في البيت، وطلب مني نعمل فيديو مع بعض على تيك توك'.

وأضافت وفاء عامر: 'ده كان جرح تغيير المسار، الناس لازم تعرف إن مفيش حاجة اسمها سرقة أعضاء، إحنا مش في غابة ومصر فيها قانون وكاميرات في كل حتة'.

وردا على سؤال لماذا لم تدافع عن نفسها بعد اتهامها من قبل البعض بالتجارة في الأعضاء، قالت وفاء عامر: 'أنا دافعت عن نفسي بالقانون ورفعت قضايا، وأعتقد الدولة على دراية بكل حاجة، وقضاء مصر المحترم خلاني قاعدة دلوقتي معاك، ولو كان عليا قضية مكنتش بقيت موجودة'.