رحمة أحمد: بخاف من المستشفيات وتصوير "عرض وطلب" كان تحدي

حكت الفنانة رحمة أحمد عن أزمتها مع المستشفيات وذلك بعد تعرضها لوعكة صحية في وقت سابق، مما تسبب لها في حاجز نفسي وأصبحت تخاف من دخول المستشفى.

وقالت رحمة أحمد خلال لقائها في برنامج 'حبر سري': 'أنا تعرضت لحاجة كده اضطريت إني أدخل بسببها العناية المركزة، أنا عندي طول عمري حساسية ممكن تجيلي من أكل أو من أدوية مقدرش أخدها، في يوم بطني وجعتني أوي اضطريت إني أدخل الطوارئ أدوني مسكن طلع عندي حساسية شديدة منه، بسببه جالي حساسية ومكنتش قادرة اتنفس'.

وأكملت رحمة أحمد: 'أنا مكنتش أعرف إني عندي مشكلة من المستشفيات مش بحبها بس كنت أقدر أدخل أزور حد، لكن بعد الأزمة كنت بصور مسلسل 'لعبة وقلبت بجد' وكنا هنصور في مستشفى وأول ما دخلت جالي 'Panic Attacks' نوبة هلع، ومعرفتش أكمل تصوير وشكرا أنهم مضغطوش عليا ولغوا اليوم ومعرفتش أدخل أصور تاني'.

وأضافت:'كنت مضيت مسلسل 'عرض وطلب' ومشاهدي الأساسية في المستشفى وكان عندي أزمة نفسية إني هعرف إزاي أصور، تاني بروفة قراءة للسيناريو كلمت مديرة أعمالي وفضلت اعيط وقلت لها مش هقدر أعمل المسلسل، لما صورت 'عرض وطلب' كان تحدي مش عادي المخرج والإنتاج والممثلين وقفوا جمبي، عطلتلهم حاجات كتير أوي جاتلي Panic Attacks كتير وسط التصوير في أيام كنت بعرف أكمل وفي أيام مكنتش بعرف وفي أيام بضغط على نفسي والرحلة دي كلها أنا بتعالج نفسيا عشان أتخطى اللي حصل كان صعب أوي أوي، كان مسيطر عليا إني التزمت بمسئولية تجاه العمل'.

واختتمت حديثها عن هذه الفترة: 'أنا دخلت العناية المركزة مرتين أول مرة كانت طويلة وبعد ما خرجت دخلت تاني وكنت بعيط وغصبوني إني أدخل العناية المركزة واعتقد دا اللي عاملي أزمة'.

بيتر ميمي يرد على كابتن إيلا بعد تعليقها على مسلسل 'صحاب الأرض'