منى هلا: جوازتي الأولانية كانت مدني بس الناس بتعتبره أحيانا مش جواز

كشفت الفنانة منى هلا أن زيجتها الأولى كانت مدنية وأنها عندما تحدثت عن المساكنة أو العيش مع حبيبها بدون زواج كانت فقط ترد على من يتدخل في حياتها، لكن في الأصل هي كانت متزوجة مدنيا.

وقالت منى هلا خلال لقائها في برنامج 'قعدة ستات' مع مروة صبري: 'كنا في علاقة شرعية كنا متجوزين بس لما الناس فضلوا يهاجموا قلت لهم أنتوا مالكم، إحنا كنا متجوزين جواز مدني بس الناس بتعتبره أحيانا مش جواز، كان في إشهار'.

وتابعت منى هلا: 'اتجوزت مدني عشان برا الورق بيمشي مختلف عن هنا، ولما الناس هاجمتني قلت لهم أنا عايشه معاه أنتوا مالكم، كل واحد يخليه في نفسه ليه التدخل في حياة الإنسان'.

وأضافت منى هلا: 'كان في ظروف معينة ليها علاقة بشغلنا مقدرناش ننزل ونتجوز هنا، لكن في جوازتي التانية من التشيكي توماس هو أسلم عشاني وخالتي الله يرحمها عملت لنا حفلة في بيتها، يعني أهلي كانوا محتفلين بيه كده'.

يذكر أن آخر أعمال منى هلا كانت سيت كوم قطري بعنوان 'بستان الشرق' وعرض في أبريل 2022.

وفي مصر كان آخر أعمال منى هلا مشاركتها في بطولة فيلم 'ليل خارجي' مع كريم قاسم وشريف دسوقي، وبسمة، وأحمد مالك، وعمرو عابد، ومحمد إبراهيم يسري وأحمد مجدي، وصبري عبد المنعم، ومجدي أحمد علي، ومن تأليف شريف ألفي، ومن إخراج أحمد عبد الله.