أوس أوس: اترفضت في اختبارات نادي الزمالك لحراسة المرمى والشرطة سابتني في إنجلترا لما وريتهم صورتي مع صلاح

حكى الفنان أوس أوس عن حبه لكرة القدم ومواقف طريفة تعرض لها.

وخلال لقائه في قناة On Sport على هامش مباراة مصر في تصفيات كأس العالم حكى أوس أوس أنه في البداية كان يريد لعب كرة القدم وبالفعل ذهب إلى نادي الزمالك للمشاركة في الاختبارات.

وقال أوس أوس: 'كنت بحب ألعب حارس مرمى ورحت اختبارات نادي الزمالك، كان أول مرة أشوف الجون ألاقيه 10 متر باين، قلت لهم أنا عايز اختبر حارس مرمى قالولي طيب استنى دورك لحد ما الدور خلص وأنا متحركتش من مكاني قالولي أنت سقطت، قلت الحمد لله، لما بلعب بصد كويس بس اعمل الجون على قدي'.

كما حكى أوس أوس عن موقف طريف تعرض له خلال رحلته في إنجلترا وقال: 'أنا شفت معاملة الناس لمحمد صلاح هناك الله أكبر الراجل دا في حتة تانية ومشرفنا حاطين صورته في البلكونات زي فوانيس رمضان عندنا'.

وتابع أوس أوس: 'أنا الشرطة سابتني في إنجلترا عشان أعرف صلاح ومتصور معاه، أنا كنت ماشي على سرعة عالية في الشارع والمرور وقفني ولما شافوا صورتي مع صلاح قالولي GO'.

لو فاتك: هتتصرف ازاي لو لقيت نفسك مسئول عن نادي كبير وانت مالكش فيها؟؟ شوف 'ابن النادي' هيعمل ايه؟