فيفي عبده: فوجئت إني هموت في نهاية مسلسل "العتاولة 2"

تحدث الفنانة فيفي عبده عن مشهد النهاية لشخصية 'شديدة' التي قدمتها في مسلسل 'العتاولة 2' كاشفة أنها فوجئت بانتهاء شخصيتها بالموت.

وقالت فيفي عبده خلال لقائها وأبطال مسلسل 'العتاولة' في برنامج 'الحكاية' مع عمرو أديب: 'موتوني ليه أنا زعلانة، أنا فوجئت أن ابني هيموت وأنا هموت معاه، مكنتش عارفة المشهد جالي على الهواء'.

وتابعت فيفي عبده: 'أنا متكلمتش أنا لقيت ابني بيموت وأنا رحت ميتة فوقه، وخلاص انتهت الليلة، قبل ما أخش أعمل المشهد دا قلبي بقى بينط من الجلابية قلبي هيقف، كنت خايفة من المشهد دا أنا عملته قبل كده في 'الحقيقة والسراب' وكان علامة بالنسبة ليا، فكوني أعمل مشهد تاني ابني بيموت بس هو ما شاء الله كان ملظلظ أوي كان نفسي إني أشيله وأحطه قدام وشي معرفتش'.

وأكملت فيفي عبده: 'باسم سمرة قعد يعيط في المشهد دا بس لما جات زاوية الكاميرا عليه قال دا 'عيسى الوزان' مينفعش يعيط'.

وأضافت فيفي عبده: 'أنا بالنسبة ليا الشخصية دي كانت مركبة إزاي هبقى طيبة وفجأة هعمل كل البلاوي اللي عملتها دي، هي شخصية فظيعة'.

وشاركت فيفي عبده في الجزء الثاني من مسلسل 'العتاولة' الذي عرض في رمضان 2025.

ومسلسل 'العتاولة' بطولة أحمد السقا، وطارق لطفي، وباسم سمرة، ونسرين أمين، ومصطفى أبو سريع، وهدى الإتربي، وزينة، وفيفي عبده، ثراء جبيل، مريم الجندي، تأليف مصطفي جمال هاشم، وإخراج أحمد خالد موسى، وعرض عبر قناة MBC مصر ومنصة شاهد.