رسالة مي عز الدين لتامر حسني بعد استئصاله جزء من الكلى

حرصت الفنانة مي عز الدين على توجيه رسالة دعم لصديقها الفنان تامر حسني بعد خضوعه لعملية جراحية.

ونشرت مي عز الدين صورة تامر حسني في المستشفى وكتبت له: 'ألف سلامة عليك يا تامر ربنا يحفظك ويقومك بالسلامة يا رب'.

وكان تامر حسني كشف عن خضوعه لعملية جراحية قبل أيام قام فيها باستئصال جزء من الكلى.

وكتب تامر حسني عبر حساباته بمواقع التواصل الاجتماعي: 'مكنتش ناوي أتكلم في أموري الشخصية بالعكس كنت بحاول أبان عادي بس بما إن الخبر تم تداوله .. أنا بقالي فترة بعاني وعندي أزمة صحية في الكلى ومن أيام احتجت للتدخل الجراحي الفوري وتم استئصال جزئي من الكلية والحمد لله على كل حال .. شكرا لكل اللي بيحاول يطمن عليا شكراً لكل اللي دعالي وبيدعيلي'.

يذكر أن تامر حسني كان قد خضع في أكتوبر الماضي لعملية جراحية في ذراعه.

وطمأن تامر حسني جمهوره وكتب عبر حسابه بموقع Facebook: 'يا صباح الهنا، للي كان بيسأل ومهتم كتر ألف خيرك، دي عملية بسيطة في دراعي بسبب إني قررت أخس 15 كيلو، وغيرت شكل الرياضة خالص بقيت بلعب ألعاب تانية تماماً كلها fitness بس، بس الحماس خدني شوية واتصابت فحصل اللي حصل، والحمدلله ‏كنت بلبس اللي في دراعي دي شوية وبشيلها بس خلاص النهارده بالليل هشيلها خالص، وشكراً حبايب قلبي على اهتمامكم يارب مشوفش فيكم أي سوء'.

من ناحية أخرى، شارك تامر حسني في حفل مهرجان نقابة المهن التمثيلية، وقدم أغنية 'من كان يا مكان' التي تحدث فيها عن نجوم الفن المصري مع عرض فيديو بالذكاء الاصطناعي ظهر فيه عدد كبير من النجوم.

لو فاتك: فن ولا فنكوش - 16 سؤال كل واحد هيجاوب لوحده ... عرفت كام سؤال منهم؟