منة شلبي تحكي قصة "كحكة" رابعة ابتدائى وتعليق الدكتور أحمد زويل - فيديو

حلت النجمة منة شلبي ضيفة على بودكاست 'فضفت أوي' الذي يقدمه المخرج معتز التوني، وتحدثت عن الكثير من الأمور الشخصية.

قالت منة شلبي: 'مش بعرف أذاكر المواد العلمية زي الرياضة والعلوم، أنا عندي فص في المخ مسؤول عن الأرقام والعلوم مش موجود، أنا أول طفلة في رابعة ابتدائي تجيب كحكتين!'، ليقاطعها معتز التوني قائلا: 'أنا سقطت في أولى ابتدائي'، لترد عليه: 'أنا كنت أشطر منك.. وفشلت في رابعة ابتدائي'.

وتابعت منة شلبي: في نص مسئول عن الرياضة والعلوم في مخ الإنسان، حقيقي مش بكدب، عطلان خالص، أنا قابلت الدكتور أحمد زويل، وكنت بحبه جدا ومعجبة به جدا، وإداني كتاب 'قصر العلم'، وكاتب لي إهداء، وكنت منبهرة جدا، وقولت بقى دا عالم واخترع الفيمتوثانية، يقول لي بقى اعمل ايه، وقولت له إني عندي مشكلة كبيرة جدا، إن في فص في المخ مسئول عن الأرقام والعلوم، فقال لي: 'لازم يبقى شغال من وإنتي صغيرة جدا'.