دنيا سمير غانم: رامي رضوان زوج مثالي بزيادة ودي طريقتي في التعامل مع خلافاتنا

تحدثت الفنانة دنيا سمير غانم عن زوجها الإعلامي رامي رضوان ووصفته بالمثالي، كما كشفت كيف تتعامل معه في وقت يكون بينهما خلافات.

وقالت دنيا سمير غانم خلال لقائها مع الإعلامي عمرو أديب في برنامج 'بيج تايم بودكاست' المذاع عبر قناة MBC: 'رامي أب مثالي وزوج مثالي بزيادة، عايز الحاجة مثالية وكاملة بزيادة، وأنا بحاول أخف الموضوع ده'.

وتابعت دنيا سمير غانم: 'هو عارف ظروف شغلي وحياتي وبصعب عليه أكتر في الحاجات اللي شايلاها، أنا طول الوقت بشتغل وبفكر في 'كايلا' وبظبط حاجات في البيت، وبعد وفاة بابا وماما بقى عندنا مسئوليات أكتر أنا وإيمي كانوا شايلين حاجات كتير وناس كتير الحمد لله بقوا مسئولين مننا، هو بيساندني جدا وبيشجعني في شغلي وأنا بقدر دا فيه جدا'.

وأكدت دنيا سمير غانم إنها تهتم بزوجها رامي رضوان قائلة: 'بخلي بالي منه ولو عنده شغل طول اليوم بعمله الأكل، بتفرج على البرنامج بتاعه لما بيكون مستضيف فنانين أما الحاجات السياسية أنا في الكنافة'.

وعن طريقة تعاملها مع رامي رضوان وقت الخلاف لخصت ما تفعله دنيا سمير غانم في نقاط قائلة:

- مع رامي بحب أطلع اللي جوايا مش بحب الخناق مينفعش نبقى قاعدين في البيت ونصحى من النوم كل حد قافش من التاني مش صحي وفي طفلة في البيت.

- لما بيكون في حاجة مضايقاني بقولها على طول ونتناقش.

- بحب الست تقول رأيها ويبقى عندها مكانتها.

- رامي عشان شغلته كإعلامي الكلام، بيعرف يتكلم مش هقدر أغلبه في الكلام.

- رامي رضوان حقاني ولما بيكون عامل حاجة غلط بيقول أنا آسف وإنتي عندك حق.

يذكر أن دنيا سمير غانم غابت عن رمضان 2024، وكان آخر أعمالها مسلسل 'جت سليمة' وعرض في رمضان 2023.

ودارت أحداث مسلسل 'جت سليمة' في عالم خيالي فانتازي، وشاركها البطولة كل من محمد سلام وسامي مغاوري، هالة فاخر، خالد الصاوي، شيرين، محمد ثروت، غادة طلعت، مايان السيد وعدد آخر من ضيوف الشرف، تأليف كريم يوسف وسامح جمال، وإخراج إسلام خيرى وإنتاج أحمد السبكى.