نور علي تكشف تفاصيل جديدة حول الاعتداء عليها (فيديو)

خلال استضافتها في برنامج 'تفاعلكم' تحدثت النجمة نور علي عن تفاصيل جديدة حول ما حدث معها في الساحل السوري، موضحة أنها شاركت المقطع من داخل سوريا وليس كما ادعى البعض أنني كنت في لبنان بهدف أن أوصل ما يحصل ليصل الى الجهات الرسمية لايجاد حلّ.

ولفتت إلى أنها 'ما كنت عم احكي عني بشكل شخصي، وما كنت عم احكي عن الاعتداء اللي صار عليي، لأن اللي صار على غير ناس كثير أكبر. انا طلعت احكي لانه حسيت انه صار فيني اطلع احكي، صارت كلمتنا عم تنسمع، وانا وقت طلعت وحكيت انه في اعتداءات وتجاوزات عم تصير على المدنيين، وبرجع بأكد وبقول ما ذكرت أنها من الامن العام، قلت أنه من بعض الفصائل اللي نحنا ما بنعرف مين هني، كنت عم احكي لأنه كان عندي أمل كبير انه ينسمع صوتي، وفعلا نسمع، يعني هلأ عم نشوف حتى رئيس الدولة والامن العام اعترف بالتجاوزات وعم يحاسب كل حدا عمل تجاوزات وعم يتحاسبوا.

وتابعت: 'اللي صار أنا تأثرت فيه بزيادة لأنه انا كان رأيي من اول لحظة اي حدا حامل سلاح من غير الدولة انه يتحاسبوا. لما نوصل لهالمرحلة، بعد 90 يوماً من الهدوء والسلام، انا كنت جدا متفائلة من اللي حيصير، كان عندي احساس انه اللي رح يصير احسن، فإنك ترجعي تشوفي وجع هو جدا قاسي بالنسبة اللي'.