مها الصغير توجه رسالة لنفسها بمقطع من حديثها في "الستات ميعرفوش يكدبوا": بصي على نص الكوباية المليان

استعانت مقدمة البرامج مها الصغير بجزء من حلقة سابقة من برنامج 'الستات ما يعرفوش يكدبوا' لتوجه لنفسها رسالة ونصيحة.

ونشرت مها الصغير عبر صفحتها الرسمية على Facebook فيديو لها من البرنامج وكتبت: 'كلمتين بقولهم لنفسي في حلقة قديمة من الستات مايعرفوش يكدبوا'.

وجاء في رسالتها: 'بصي على نص الكوباية المليان في أحداث كتيرة حصلت أو بتحصل في حياتي بشكل سريع أوي أوي ممكن أكون أنا مش شايفة الحلو اللي فيها لكن فيها حلو كتير، هقول لنفسي أحمدي ربنا على النعم الجميلة ولادي بصحة وأهلي بصحة وأمي راضية عني ودايما تقولي أنا راضية عنك هقول لنفسي كفاية أن أمي موجودة جنبي وراضية عني لازم أفكر نفسي كل يوم بوجود أمي ربنا يحفظهالي يارب'.

وكانت مها الصغير مرت بأزمة كبيرة خلال الفترة الماضية بعد اتهامها بسرقة لوحات لفنانين أجانب وعرضها في برنامج 'معكم' مع منى الشاذلي على أنها لوحاتها.

واعتذرت مها الصغير عما بدر منها واصدرت بيانا قالت فيه: 'أنا غلطت، غلطت في حق الفنانة الدنماركية ليزا وفي حق كل الفنانين وفي حق المنبر اللي اتكلمت منه والأهم غلطت في حق نفسي. مروري بأصعب ظروف فى حياتي لا يبرر لي ما حدث. أنا آسفة وزعلانة من نفسي'.