تحدثت الفنانة إنجي المقدم عن شخصية 'علياء' التي قدمتها في مسلسل 'الست موناليزا' وقالت إنها لا تزال متفاجئة من رد فعل الجمهور على الشخصية.

وقالت إنجي المقدم في لقاء ببرنامج 'نجوم رمضان أقربلك' مع إنجي علي: 'أنا مخضوضة وفرحانة مش قادرة لسه استوعب اللي خاضنني تدابير ربنا، الخطة مكانتش ماشية كده كان في مسلسل تاني كان هيتعمل وكان هيتصور في دبي وكنت هسافر أصوره وبنحضرله وإحنا في وسط التحضيرات، جالي مسلسل 'الست موناليزا' على أساس إني ضيفة في 5 حلقات'.

وتابعت إنجي المقدم: 'عجبني الدور جدا وقعدت أقول طيب هوفق إزاي بين التصوير برا مصر وهنا، دخلت التصوير وأنا متوترة جدا من فكرة التنسيق بين الاتنين، وأنا بصور في الأول 'الست موناليزا' عرفت أن المسلسل التاني اتأجل، زعلت لأني كنت محضره للدور، لكن الحمد لله بعد كل اللي حاصل دلوقتي'.

وأكملت إنجي المقدم: 'قلت خلاص ركزي في شخصية 'علياء' وقد كان، تفاصيلها كتير جدا وكنت مستمعته بيها جدا لأنها حاجة بعيدة عني خالص مختلفة ومجاتليش قبل كده وأنا بقرأ الشخصية على قد ما هي شخصية كريهة لكن أنا حبيتها وشفت فيها حاجة استفزتني إني اشتغل عليها وأطلع فيها تفاصيل كتير'.

مسلسل 'الست موناليزا' يشارك في بطولته إلى جانب مي عمر كل من: محمد محمود، هدير عبد الناصر، سلوى محمد علي، شيماء سيف، إنجي المقدم، سوسن بدر، أحمد مجدي، حازم إيهاب، جوري بكر، مصطفى عماد، محمود عزب، حسن حفني، والمسلسل من تأليف محمد سيد بشير، وتحت قيادة المخرج محمد علي.

بيتر ميمي يرد على كابتن إيلا بعد تعليقها على مسلسل 'صحاب الأرض'