وجهت الفنانة منة فضالي رسائل لمتابعيها بها بعض النصائح كما ردت على تعليقات البعض حول سفرها المتكرر خارج البلاد لقضاء الإجازة وانتقادات ملابسها المكشوفة.

ونشرت منة صورة جديدة لها عبر حسابها على Instagram وكتبت: 'أوعى تصدق اللي تقولك صاحبتي وأختي وحبيبتي أو صاحبي وأخويا وحبيبي إلا لو كان بالفعل، أصل الكلام ببلاش لكن الأفعال محتاجه مجهود، الفلوس حلوة وكل حاجة بس مش كل حاجة الفلوس لأنها مش بتشتري الصحة والأهل واللي ماتو وفارقونا، في حاجات كتير في حياتنا أهم من كل ده صاحبك دراعك حبيبي قرشي وأخويا صحتي ربنا ما يحوج حد لحد أبدا'.

وتابعت منة فضالي: 'هتقولولي بتقولي الكلام ده ليه دلوقتي وانتي كل شويه في بلد ومنين فلوس و الجو النيله ده أقولكم الحمد لله أنا اشتغلت كتير جدا جدا وده رصيدي يمكن حظي مش زي كل الناس بس أنا راضيه والحمدلله بـ اللي ربنا ادهولي، هتقولولي وانتي بتعرفي ربنا وانتي بتلبسي عريان أقولكم اه يمكن أنا عند ربنا أحسن من ناس كتير يمكن بعمل خير كتير من غير إعلان لأن اللي بيعمل خير مش لازم يقول دي حاجة بينك وبين ربنا بس، كفايه إني عمري ما أذيت حد في حياتي بالعكس أنا دايما بتأذى'.

واختتمت منة فضالي كلامها: 'اللي عاوزه أقوله محدش يعتمد على حد ولا يصدق حد ولا يثق في حد في الزمن ده النفوس وحشة أوي علشان كده أنا دايما لوحدي أو مع أمي وكلابي وبس لأن مفيش حد له أمان ربنا يحرس الجميع من شر نفوس الناس'.

وشاركت منة فضالي في موسم رمضان 2025 بمسلسل 'سيد الناس'.

مسلسل 'سيد الناس' بطولة عمرو سعد، خالد الصاوي، الهام شاهين، منه فضالي، أحمد فهيم، رنا رئيس، نشوى مصطفى، عماد زيادة وآخرين، تأليف وإخراج محمد سامي.