تحدثت الفنانة داليا مصطفى عن أولادها سلمى وسليم وكشفت أن ابنها يغير عليها كثيرا.

وقالت داليا مصطفى خلال لقائه في برنامج 'واحد من الناس' مع عمرو الليثي عبر قناة 'الحياة': 'سليم بيغير عليا أوي بشكل سخيف مش ممكن لو مردتش وأنا في التصوير يفضل يسأل بتعملي إيه والتصوير فين وإنتي اتأخرتي'.

وتابعت داليا مصطفى لتحكي عن موقف جمعها بابنها: 'مرة كنا في أوروبا وكل الناس لابسه مايوهات عادي بيكيني، كان وقته اصغير طلع سألني 'مامي هو إنتي هتلبسي مايوه بكيني؟ قلت له لأ هو طول عمره بيغير وحتى مع أخته'.

وأكملت داليا مصطفى كاشفة عن القيم التي علمتها لهما: 'القيم اللي علمتها لأولادي يخافوا من ربنا أوي ميكدبوش أبدا وعدم القسوة'.

وأضافت: 'وأولادي أطفال فهمت معاناة أمي، أنا مكنش عندي حد يساعدني في البيت أنا كنت رافضة الموضوع دا لما الولاد كبروا شوية قبلت، لكن قبلها كنت برجع من التصوير أعمل الأكل'.

وأوضحت داليا مصطفى أن 'سلمى وسليم' ورثا حب الفن وقالت: 'الاتنين ورثوا جينات الفن، سليم أكتر عايز يمثل، وسلمى بيطلبوها بس أنا بقول لأ شوية كده'.

من ناحية أخرى تشارك داليا مصطفى في بطولة مسلسل 'روج أسود'، مع مجموعة من النجوم، وتدور أحداثه حول 5 قصص حقيقية عن المطلقات ومعاناتهن في الحياة.

مسلسل 'روج أسود' من تأليف أيمن سليم، إخراج محمد عبد الرحمن حماقي، وتشارك في بطولته رانيا يوسف، مي سليم، داليا مصطفى، لقاء الخميس، وفرح الزاهد.